Վրաստանում կորոնավիրուսով վարակված և ԹԱՕ սարքին միացված բոլոր երեք նորածինների վիճակը կայուն ծանր է

Առողջություն 20:07 14/07/2021 Տարածաշրջան

Վրաստանում կորոնավիրուսով վարակված և ԹԱՕ սարքին միացված բոլոր երեք նորածինների վիճակը կայուն ծանր է

Տես նաև`Վրաստանում Covid-ի բրիտանական ու դելտա շտամներով վարակված նորածինները միացված են ԹԱՕ սարքին

Վրաստանի Ցիցիշվիլիի անվան մանկական կլինիկայի բժշկական տնօրեն Մայա Չխաիձեի խոսքով, կլինիկայում կորոնավիրուսով վարակված բոլոր երեք նորածինների վիճակը կրկին կայուն ծանր է: Այս մասին գրում է վրացական Առաջին ալիքը։

Ըստ նրա, վերջին շրջանում կլինիկա դիմելիության թիվն աճել է:

«Ներկայումս կլինիկայում կա 122 հիվանդ, նրանցից 67-ը երեխաներ են, մնացածը` մեծահասակներ՝ ծնող, մայր կամ հայր: Ընդհանուր առմամբ, այլ հիվանդների վիճակը միջին ծանրության է կամ թեթև: Իհարկե, վերջին շաբաթների ընթացքում դիմելիությունն աճել է: Բոլոր երեք հիվանդներն էլ նորածիններ են, մեկ նորածինն արդեն 20 օրական է: Նրանք միացված են արհեստական շնչառության սարքին: Ներկայումս նրանց վիճակն առանց վատթարացման է, մենք պահպանում ենք կենսական նշանակություն ունեցող պարամետրերը», - ասել է Մայա Չխաիձեն:

Նշվում է, որ հաստատվել է, որ այս երեք նորածիններից մեկի դեպքում դելտա շտամ է, մյուսի մոտ՝ ալֆա շտամ, և դեռ չեն ստացել երրորդ հիվանդի նմուշի խորը ուսումնասիրության արդյունքները:

«Այս նոր շտամի պատճառով երեխաների մոտ ավելի շատ հիվանդացություն է դրսևորվել: Ալֆա շտամի համեմատությամբ Covid տարիքը երիտասարդացել է: Հիմա ավելի շատ երեխաներ են հիվանդանում, չնայած չեմ կարող ասել, որ բոլորը ծանր են: Հիմնականում կլինիկական նշանները չեն տարբերվում «Delta» շտամից, այն պարզապես շատ վարակիչ է: Ամենակարևորը՝ պատվաստվել, քանի որ երեխան կովիդով կարող է վարակվել միայն ծնողի կամ ընտանիքի անդամի կողմից: Ներկայումս մեր կլինիկան դեռ հիբրիդային է: Մենք մահճակալներ ենք ավելացնում և պետք է պատրաստենք 155 մահճակալ», - ասել է Մայա Չխաիձեն:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: