Այն կրավորական դիրքը, որը զբաղեցերել է այս դավաճանական խունտան Արցախի հարցում, անընդունելի է. Մամիջանյան

Քաղաքական 14:13 16/07/2021 Հայաստան

Այն կրավորական դիրքը, որը զբաղեցերել է այս դավաճանական խունտան Արցախի հարցում, անընդունելի է. Մամիջանյան

«Հայաստանը չի հաշտվել ընտրության արդյունքների հետ, այդ արդյունքները մեր քաղաքացու համար ընդունելի չեն»,- Այլընտրանքային նախագծեր խմբի նախաձեռնած «ՀՀ քաղաքական և իրավական մարտահրավերները» թեմայով կոնֆերանսին ասաց «Պատիվ ունեմ» դաշինքի անդամ, ՀՀԿ երիտասարդական կազմակերպության նախագահ Հայկ Մամիջանյանը:

Նրա նշեց, որ յուրաքանչյուր քաղաքացի, ով ինչ ինչ պատճառով ձայն է տվել կապիտուլյանտի ղեկավարած քաղաքական միավորին, մաս է կազմում նոյեմբերի 9-ի խայտառակ ստորագրության:
«Նմանօրինակ ղեկավարությունը, որը չունի ազգային դիմագիծ, չի կարողանում ձևակերպել ու որպես հետևանք առաջ մղել ազգային շահը, հարմար է երկրագնդի բոլոր պետությունների համար, բացի այն պետությունից, որն ինքը փաստացի ղեկավորում է: Բացի մեզանից, տրամաբանական է, որ խամաճիկն ընդունելի է ցանկացած մարդու համար:

Վայրկյան անգամ կասկածի տակ չդնելով մեր ռազմավարական գործընկերոջ մոտեցումները՝ փաստենք, որ մինչև մենք ինքներս չբարձրաձայնենք, որ պատրաստ չենք ունենալ ապազգային իշխանություն, երկրագնդի վրա ոչ մի երկիր դրա մասին չի բարձրաձայնի»,- ասաց Հայկ Մամիջանյանը:

Նրա խոսքով, այս պահին Հայաստանը փաստացի Արցախի անվտանգության երաշխավորից վերածվել է ընդամենն օգնության ֆոնդի. «Հայաստանի միակ ֆունկցիան է այս կամ այն պետական, ոչ պետական, մեր հայրենակիցներից կամ ոչ հայրենակիցներից եկող աջակցությունը կանոնակարգել ու փոխանցել Արցախին, ուրիշ որևէ ֆունկցիա՝ դիվանագիական, ռազմական, քաղաքական հարթակում Հայաստանը չունի»:

Հ. Մամիջանյանն ընդգծեց՝ այն կրավորական դիրքը, որը զբաղեցերել է այս դավաճանական խունտան Արցախի հարցում, անընդունելի է:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: