Ձեր վստահելի աղբյուրը

Թուրքական առափնյա պահպանությունը հետապնդել և կրակ է բացել Կիպրոսի նավահանգստի ոստիկանության նավակի վրա: Այս մասին գրում է Greek City Times-ը։

«Օկուպացված Կիպրոս Թուրքիայի նախագահ Էրդողանի ապօրինի այցից մի քանի օր առաջ Թուրքիայի ռեժիմը որոշում է կայացրել վտանգավոր սրման մասին»,-գրում է կայքը: 

Նշվում է, որ ոստիկանության տվյալներով, երեք հոգանոց փոքր նավը նկատել է թուրքական առափնյա պահպանության նավը Կատո Պիրգոս Թիլիրիաս նավահանգստից մոտ 11 ծովային մղոն հեռավորության վրա։

Թուրքիայի առափնյա պահպանությունը հանկարծակի մոտեցել է նրանց՝ կատարելով վտանգավոր մանևրներ:

Այնուհետև թուրքական առափնյա հսկողությունը հետապնդել է Կիպրոսի նավահանգստային ոստիկանության նավին՝ մինչև այն մտել է «Կատո Պիրգոս» ձկնորսական ապաստարան:

Նշենք, որ Էրդողանը պատրաստվում է այցելել Կիպրոսի հյուսիսային հատված հուլիսի 20-ի՝ այն համարելով կիպրոսցի թուրքերի համար որպես «Խաղաղության և ազատության օր», երբ 1974-ի նույն օրը թուրքերը նեխուժեցին Կիպրոս։

Էրդողանը հայտարարել է, որ հուլիսի 20-ին կարևոր հայտարարություն է անելու։

«Մենք Թուրքիային կանգնեցնելու համար օգտագործում ենք բոլոր միջոցները՝ դիվանագիտական, քաղաքական և իրավական», - ասել է Կիպրոսի Հանրապետության ԱԳ նախարար Նիկոս Քրիստոդուլիդեսը: