Ձեր վստահելի աղբյուրը

«Մենք իրականում գտնվում ենք համապարփակ  ճգնաժամի մեջ։ Ճգնաժամի մեջ ենք բոլորս բոլոր ուղղություններով»,- «ՀՀ քաղաքական և իրավական մարտահրավերները» թեմայով կոնֆերանսին ասաց «Պատիվ ունեմ» դաշինքի անդամ Աննա Մկրտչյանը։

Նա նշեց, որ «Պատիվ ունեմ» դաշինքն իր դիմումում ներկայացրել էր ընտրախախատումների, դրանց  կազմակերպված լինելու, դրանց ազդեցության վերաբերյալ փաստեր, սակայն շեշտադրումը դրել էին այնպես, որ ՍԴ-ում հարցի լուծումը պետք է լինի ընտրական իրավունքի սկզբունքների խախտված լինելու հանգամանքն արձանագրելու միջոցով։

«Մենք վիճարկել էինք ազատ և հավասար ընտրության հարցը, Հայաստանում չեն անցկացվել ոչ ազատ, ոչ առավել ևս հավասար ընտրություն, այսինքն, ողջ ընտրական գործընթացն ապալեգիտիմ է, չի կարող ձևավորել Հայաստանում իշխանություն, խորհրդարան»,- ասաց նա։

Աննա Մկրտչյանի խոսքով, ԿԸՀ-ն ապահովեց ողջ պրոցեսի ձևական իրավական հատվածը, արեց այն, ինչ պետք է աներ՝ «Նիկոլին դարձնել ընտրություններում հաղթող՝ անտեսելով ցանկացած տիպի ու տեսակի խախտումներ, իսկ ՍԴ-ն պետք է դակի ԿԸՀ որոշումը»։

Կոնֆերանսի ընթացքը՝ ուղիղ եթերում։