Ձեր վստահելի աղբյուրը

Միջազգայնագետ Սուրեն Սարգսյանը գրում է. 

«Ինձ մեղադրում են, որ ես գերագնահատում եմ թուրքական գործոնն ու Թուրքիայի ազդեցության ծավալումը: Ես պարզապես հետևում եմ, թե ինչ է անում Էրդողանը Վրաստանում, Ուկրաինայում, Լիբիայում, Սիրիայում, Կիպրոսում, Հայաստանում, Հունաստանում, Սև ծովում, Միջերկրականում, Եվրոպայում, հիմա էլ պատրաստվում է անել Աֆղանստանում՝ հետևաբար նաև Միջին Ասիայում:

Գերագնահատու՞մ եմ»:

Գրառմանն արձագանքել են բազմաթիվ օգտատերեր: 

Արարատ Կոստանյանը մեկնաբանության մեջ նշել է. «Պատերազմի ժամանակ և դրանից հետո, բազմիցս հայտնել եմ, որ մենք ոչ թե միայն երկիր ենք հանձնում, այլ բացում ենք Թուրքիայի դիմաց ճանապարհը կենտրոնական Ասիա և Սինճիանկ։ Դե, մենք բայղուշությամբ ենք զբաղվում...ծափ տվեք, արա...ծափ տվեք` Էրդողանն է գալիս»։

Դիանա Կիրակոսյանը գրել է.

«Ներկայիս դավաճան իշխանությունները պատրաստվում են Կարսի պայմանագրից, հետևաբար Արևմտյան Հայաստանի հողերից հրաժարվել։ Դրա համար էլ ազրների հետ «խաղաղության պայմանագիր են» պատրաստվում ստորագրել՝ վերջնականապես փակելու Արցախի և հետևաբար Հայաստանի հարցը»: 

Տաթևիկ Հովհաննիսյանն արձագանքել է.

«Ինչն է չափազանցություն, հեսա քարտեզը, թե ինչ ա անում Թուրքիան լայն տարածաշրջանում։

հ․գ․ ավելի լավ է գերագնահատել, քան թերագնահատել, քանի որ սենց կկանխենք թեկուզ և ենթադրյալ ագրեսիան»: