Ձեր վստահելի աղբյուրը

Ռուսաստանն ու Թուրքիան ավարտում են խորհրդակցությունները՝ С-400 զենիթահրթիռային համակարգերի մատակարարման երկրորդ պայմանագրի շուրջ: «Рособоронэкспорт»-ի գլխավոր տնօրեն Ալեքսանդր Միխեևի խոսքով՝ այս նախագծում ձևավորվել է ֆինանսական մոդել և տեխնոլոգիական համագործակցության ծրագիր: Այս մասին գրում է vesti-ն։

«Ուստի մենք ակնկալում ենք, որ առաջիկա ամիսներին կավարտենք այս նախագիծը»,- ասել է Միխեևը MAKS-2021 ավիատիեզերական ցուցահանդեսում, որը տեղի է ունենում մերձմոսկովյան Ժուկովսկում:

Այն փաստը, որ Թուրքիան բանակցություններ է վարում Մոսկվայի հետ С-400 հակաօդային պաշտպանության համակարգերի լրացուցիչ խմբաքանակ գնելու շուրջ, հայտնի դարձավ ապրիլին Թուրքիայի արտգործնախարար Մևլութ Չավուշօղլուից:

Մինչև տարեվերջ Հնդկաստանը կարող է ստանալ С -400 «Триумф» զենիթահրթիռային համակարգերի առաջին խմբաքանակը: Հնդկաստանի համար ռուսական հակաօդային պաշտպանության համակարգերի խմբաքանակի ընդհանուր արժեքը գնահատվում է 5,43 միլիարդ դոլար:

Հիշեցնենք, որ ԱՄՆ-ը պատժամիջոցներ սահմանեց Թուրքիայի նկատմամբ՝ Ռուսաստանից С-400 զենիթահրթիռային համակարգերի գնման համար։