Արմեն Չարչյանը վերցնելու է պատգամավորական մանդատը. Պաշտպան

Իրավունք 12:44 21/07/2021 Հայաստան

Արմեն Չարչյանը վերցնելու է պատգամավորական մանդատը. Պաշտպան

«Ցավոք սրտի, արդարությունն այսքան երկար տևեց, քանի որ պրոֆեսոր Արմեն Չարչյանն իրականում երբեք չպետք է կալանավորված լինել»,- դատարանի որոշումից հետո լրագրողների հետ զրույցում ասաց հայտնի բժիշկ, «Հայաստան» դաշինքի անդամ Արմեն Չարչյանի պաշտպաններից Արամ Վարդևանյանը:

Հիշեցնենք՝ Երևանի ընդհանուր իրավասության դատարանը, դատավոր Վահե Միսակյանի նախագահությամբ, որոշեց Արմեն Չարչյանի նկատմամբ որպես խափանման միջոց կիրառված կալանավորումը փոխել և որպես խափանման միջոց ընտրել գրավ և ստորագրություն չհեռանալու մասին:

Նա ընդգծեց՝ սա մեծ անարդարություն էր, որը տևեց մեկ ամիս, բայց արդարությունն ի վերջո միշտ հաղթում է:

«Դատավոր տիկին Մելիքսեթյանն առաջինն էր, ով կալանավորումը որպես խափաման միջոց բավարարեց: Եկեք նրա վերաբերյալ գնահատական չտամ, ուղղակի հարցրեք ցանկացած երկրորդ փաստաբանի, իրավաբանի՝ ինչ կարծիք ունեն Մելիքսեթյանի արդարադատության որակի վերաբերյալ:

Երկրորդն այս կալանավորումն ամեն կերպ փորձեց պահպանել դատավոր Լուսինե Աբգարյանը: Նրա վերաբերյալ էլ հարցեք, թե քանի ծանր գործով կարողացել է իրականում դատավորին հարիր արդարադատություն իրականացնել:

Հարցրեք դատավոր Միսակյանի՝ որպես դատավորի արդարադատություն իրականացնելու մակարդակի մասին: Այս բանաձևի մեջ ամեն պատասխան կգտնեք»,- ասաց պաշտպանը:

Նա նշեց, որ «Հայաստան» դաշինքի պատգամավորի թեկնածու Արմեն Չարչյանը վերցնելու է պատգամավորական իր մանդատը:

Ա. Վարդևանյանն ասաց, որ գրավի չափն է 15 միլիոն դրամ: Գրավի գումարը վճարելուց հետո պարոն Չարչյանն անհապաղ պետք է ազատ արձակվի:

«Պարոն Չարչյանի տրամադրությունն ընտիր է: Իր տրամադրությունն առաջին օրվանից եղել է ընտիր, պահպանվել է այդպես»,- լրագրողներին ասաց Ա. Չարչյանի պաշտպաններից Էրիկ Ալեքսանյանը:

Նա նշեց, որ արդարադությունը հիվանդանում է, բայց երբեք չի մահանում, ինչին ականատես եղան:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: