Ձեր վստահելի աղբյուրը

Վրաստանում առգրավվել է երկու տոննա ձիու միս, որը նախատեսված էր Վրաստանի ծովային հանգստավայրերում վաճառքի համար: tv9news.ge-ի հաղորդմամբ, Սննդամթերքի անվտանգության ծառայությունը կանգնեցրել է երկու միկրոավտոբուս, որոնք բեռնված են եղել ձիու մսով և այն Սամեգրելոյի շրջանից տեղափոխվում էր Աջարիա:

«Խախտումը բացահայտվել է բաշխման գործընթացում: Հետազոտության ընթացքում մենք հասկացանք, որ դա ձիու միս է: Անասունների սպանդից առաջ և հետո չի կատարվել ստուգում, ինչը ուղղակիորեն ցույց է տալիս, որ դա կարող է հիվանդ կենդանու միս լինել», – «Ռուսթավի 2» հեռուստաընկերության եթերում ասել է Սննդամթերքի ազգային գործակալության պետի տեղակալ Վասիլ Բասիլաձեն:

Ենթադրվում է, որ չհայտարարագրված միսը նախատեսված էր երկրի Սևծովյան առողջարանների տարբեր սննդի կետերում օգտագործելու համար:

Ապրանքները առգրավվել և ոչնչացվել են համապատասխան ծառայության կողմից: Մասնավոր մսագործների կողմից նման խախտումները հաճախակիացել են: Կա նաեւ կասկած, որ առեւտրականները սատկած կենդանիներից միս են արտահանում վաճառքի համար:

Օրենսդրության համաձայն՝ Վրաստանում ձիու և էշի մսի վաճառքն արգելված չէ: Բայց վաճառականները պետք է համապատասխանեն բոլոր իրավական պահանջներին: Կենդանին պետք է մորթվի սպանդանոցում և պատվաստվի: Մսամթերքները պետք է ունենան պիտակ, որում նշվում է մսի տեսակը: