Ձեր վստահելի աղբյուրը

1998 թվականի ելույթներից մեկում ճապոնացի կատակերգու Քենտարո Կոբայասին, որը Տոկիոյում 2020 թվականի Օլիմպիական խաղերի բացման արարողության ռեժիսորն էր, առաջարկում էր «խաղալ Հոլոքոստ»:

Կատակերգության ռեժիսոր, Տոկիոյի ամառային օլիմպիական խաղերի բացման արարողության տնօրեն Կենտարո Կոբայասին հեռացվել է աշխատանքից այն բանից հետո, երբ համացանցում սկսել էին շրջանառվել նրա 1998 թ. ելույթների ձայնագրությունները, որոնցում նա ծաղրում էր Հոլոքոստը:

Կոբայասիի պաշտոնանկության մասին հայտնել Է Օլիմպիադայի կազմկոմիտեն հինգշաբթի ՝ հուլիսի 22-ին, Խաղերի բացման նախօրեին:

«Պարզվել է, որ նախկինում Կոբայասին իր ելույթների ժամանակ ծաղրել է պատմության ողբերգական դրվագները», - Տոկիոյում Օլիմպիական խաղերի կազմակերպչական կոմիտեի որոշումը բացատրել է նրա ղեկավար՝ Սեյկո Հասիմոտոն:

Նա հավելել է, որ Կոբայասին ներողություն է խնդրել իր խոսքերի համար և հրաժարական է տվել սեփական ցանկությամբ:

«Ինչպես նշել են շատերը, իմ արտահայտություններն իսկապես անտեղի էին։ Ես զղջում եմ և  ներողություն եմ խնդրում», - Խասիմոտոյի խոսքը մեջբերել է ռեժիսորը:

Վերջերս համացանցում հայտնված 1998 թվականի ելույթի տեսագրության մեջ Քենտարո Կոբայասին նետել է մարդուկների թղթե արձաններ և առաջարկել խաղալ Հոլոքոստ:

Երեք օր առաջ ՝ հուլիսի 19-ին, կոմպոզիտորի պաշտոնից հրաժարականի դիմում է ներկայացրել ճապոնացի 52-ամյա երաժիշտ Կեյգո Օյամադան։ Օյամադայի որոշումը կապված է ԶԼՄ-ների 1994-ի իր հարցազրույցից մեջբերումների հետ, որում նա առանց նկատելի զղջման պատմում է, թե ինչպես է դպրոցական տարիներին ծաղրել սահմանափակ հնարավորություններով իր դասընկերներին: