Ձեր վստահելի աղբյուրը

Բժիշկ-դիետոլոգ, դիետոլոգների և նուտրիցիոլոգների ազգային ասոցիացիայի անդամ Մարինա Մաքիշան նշել է սննդի կանոնները, որպեսզի նվազեցնի շաքարային դիաբետի զարգացման վտանգը: Գրում է «iz.ru»-ն։

Նրա խոսքով ՝ հիվանդության զարգացման ամենագլխավոր պատճառը սննդակարգում արագ ածխաջրերի առկայությունն է։

«Դրանք սպիտակ ցորենի ալյուրի բոլոր տեսակներն են, բոլոր մթերքները, որոնք պարունակում են ավելացված շաքար, արագ պատրաստման կիսաֆաբրիկատների բոլոր տեսակները, արագ պատրաստման շիլաները, փաթիլները  և մյուսլիները»,- ասել է Մաքիշը։

Դիետոլոգը հիշեցրել է, որ շաքարային դիաբետի առաջացման վտանգը մեծանում է 40 տարեկանից հետո։ Բացի այդ, ռիսկի գոտում են գտնվում ավելորդ քաշ ունեցող մարդիկ։

«Կարելի է վստահաբար ասել, որ շաքարախտով կարող է հիվանդանալ  յուրաքանչյուր ոք, ով չի հետևում սննդին և ունի ավելորդ քաշ»,-հավելել է բժիշկը:

Նա ընդգծել է, որ շաքարախտը հաճախ զարգանում է ենթաստամոքսային գեղձի հետ կապված խնդիրների դեպքում, երբ օրգանիզմը կամ բավարար քանակությամբ ինսուլին չի արտադրում, կամ չի կարող արդյունավետ օգտագործել այն:

Մաքիիշան պատմել է նաև, որ հիվանդությունը կարելի է բացահայտել ՝ ուշադրություն դարձնելով ոտքերի վրա ։ Շաքարային դիաբետի մասին կարող են վկայել ոտքի ոսկորների ցավերը, խոցերը, սնկային ախտահարումները և ստորին վերջույթների աշխատանքի դժվարությունները:
Հուլիսի 18-ին բրիտանական բժշկական կլինիկայի բժիշկները պատմել են, թե ինչպես ափերից  հասկանալ արյան մեջ շաքարի վտանգավոր մակարդակը: Մասնագետների խոսքով ՝ արյան մեջ շաքարի մակարդակի անբավարար վերահսկողության պատճառով կարող է առաջանալ կոշտ ձեռքի դիաբետիկ համախտանիշ, որը նաև հայտնի է որպես դիաբետիկ հիրոարտրոպաթիա: