![](https://panorama.am/news_images/848/2541024_1/safh.thumb.jpg)
Ակնկալվում է, որ պեղումներից հետո Բերդ համայնքում կզարգանա նաև հնագիտական զբոսաշրջությունը
Տավուշի մարզի Բերդ համայնքի Տավուշ ամրոցի տարածքում հուլիսի 14-ից վերսկսվել են հնագիտական պեղումները: ԿԳՄՍ նախարարության հաղորդմամբ, Տավուշ ամրոցի տարածքում կատարված դիտարկումները ցույց էին տվել, որ պահպանվել են հետևյալ կառույցները` ամրոցի միջնաբերդ, դրա հյուսիսարևելյան լանջին տեղակայված եկեղեցի, ամրոցի հարավարևմտյան մասում ենթադրյալ ջրանցքի հատված, հին բնակատեղի: Հուշարձանի պահպանմանը միտված այս ծրագրով նախատեսվում է հնագիտական միաժամանակյա պեղումներ իրականացնել ամրոցի միջնաբերդի գագաթին և մուտքի հատվածներում, ինչպես նաև եկեղեցու հյուսիսային ու հարավային մասերում:
Ծրագրի նպատակն է որոշ չափով ընդլայնել նախկինում պեղված տեղամասերը` պարզելու համար ամրոցի հյուսիսային և արևելյան լանջերի հնարավոր կառուցապատման առկայությունը, մշակութային շերտերը և եկեղեցուն հարող հնագիտական միջավայրը:
Ակնկալվում է, որ պեղումներից հետո Տավուշի մարզի Բերդ համայնքում կզարգանա նաև հնագիտական զբոսաշրջությունը:
Տավուշ ամրոցի տարածքում առաջին հնագիտական պեղումներն իրականացվել են 1986-1988 թվականներին՝ Հայկ Եսայանի գլխավորությամբ:
Հարակից հրապարակումներ`
Լրահոս
Տեսանյութեր
![Գիտնականները փակել են Ազատության պողոտան](https://panorama.am/video_images/17/50771_1/f66dae89eb9790_66dae89eb97d0.jpg)
![Կլոուների նախաձեռնությունները լուրջ չեն քննարկում. Ստեփան Դանիելյան](https://panorama.am/video_images/17/50752_1/f66d9a9290e30a_66d9a9290e34a.jpg)
![«Տգեղ է, ձեզ չի սազում». Քննարկում ԱԺ-ում](https://panorama.am/video_images/17/50745_1/f66d9a41dc45de_66d9a41dc461e.jpg)
![Ես բացառիկ ՄԻՊ-երից եմ. Անահիտ Մանասյան](https://panorama.am/video_images/17/50730_1/f66d98e80f1a26_66d98e80f1a68.jpg)