Ձեր վստահելի աղբյուրը

«Թալիբան» արմատական շարժման ներկայացուցիչները վերջերս Աֆղանստանի կենտրոնական մասում գտնվող Գազնի նահանգի Մալիստան շրջանում սպանել են առնվազն 43 խաղաղ բնակչի: Այս մասին այսօր հաղորդել է TOLOnews հեռուստաալիքը, գրում է Tass-ը։

Հաղորդվում է, որ թալիբները ոչնչացրել են սպանված թաղամասի բնակիչների տները:

Բացի այդ, Ariana News-ը հաղորդել է, որ Քաբուլում պետական անվտանգության ուժերի հինգ անդամ սպանվել է «Թալիբան» գրոհայինների ձեռքով: Միաժամանակ նշվում է, որ զոհերը խոշտանգումների են ենթարկվել նախքան մահը:

Հիշեցնենք, որ իրավիճակն Աֆղանստանում սրվեց, երբ ապրիլի 14-ին ԱՄՆ նախագահ Ջո Բայդենը հայտարարեց Աֆղանստանում գործողությունը դադարեցնելու ու զորքերը դուրս բերելու իր որոշման մասին: Այս ֆոնին Իսլամական հանրապետությունը ականատես է լինում անվտանգության իրավիճակի վատթարացմանը`կապված այն բանի հետ, որ «Թալիբան» գրոհայինները մի շարք ուղղություններով ուժեղացնում են իրենց հարձակումը: Ըստ շարժման ներկայացուցիչների՝ թալիբներին հաջողվել է վերահսկողություն հաստատել երկրի տարածքի շուրջ 85%-ի վրա, ներառյալ հինգ երկրների հետ սահմանի երկայնքով գտնվող տարածքները՝ Իրան, Չինաստան, Պակիստան, Տաջիկստան և Թուրքմենստան: