Ձեր վստահելի աղբյուրը

Քաղաքագետ, «Հայաստան» դաշինքից ընտրված պատգամավոր Գեղամ Նազարյանը գրում է.

«Ամբողջ գիշեր ընթացել են մարտական գործողություններ Երևանից ընդամենը երկու-երեք ժամվա հեռավորության վրա: Ունենք զոհեր, վիրավորներ, կան տեղեկություններ գնդակոծված գյուղերի մասին։

Հասարակությունը տագնապած հետևում է կցկտուր տեղեկություններին։

Այս ընթացքում Հայաստանը ղեկավար չունի: Չկա  առաջին դեմքը, որը ընդամենը ժամեր առաջ «ուրախ առիթով» ընտանիքի հետ հարսանիքի էր ու  Իջևանի անտառներում և ռեստորաններում Վարդավառ էր նշում: Չկան պետության  մյուս բարձրաստիճան պաշտոնյաները: Մենք, ըստ էության, գործ ունենք պետության բացակայության հետ։

Ստեղծված պետական-քաղաքական վակուումը փորձում են լրացնել առանձին գործիչներ։
Իրավիճակը քննարկելու և հանրության համար ուղերձ նախապատրաստելու համար առաջարկում եմ անհապաղ հրավիրել «Հայաստան» դաշինքի նիստ»։