Զատուլին. «Նման պահի չաջակցել հայ ժողովրդին, նշանակում է՝ Ռուսաստանը դավաճանի իրեն»
Ռուսաստանի Պետական Դումայի ԱՊՀ, եվրասիական ինտեգրացիայի ու հայրենակիցների հետ կապերի հարցերով հանձնաժողովի նախագահ, ԱՊՀ երկրների ինստիտուտի ղեկավար Կոնստանտին Զատուլինը օգոստոսի 4-5-ն այցելել է Հայաստան։ Զատուլինի գրասենյակի տարածած հաղորագրության համաձայն, Երևանում նա հանդիպել է քաղաքական, հասարակական գործիչների հետ, որոնք ընթացքում քննարկվել են Ռուսաստանի դաշնակից Հայաստանի զարգացման խնդիրները, հետպատերազմյան կարգավորման դժվարությունները և նոր քաղաքական սեզոնի մեկնարկը` կապված երկրի նորընտիր խորհրդարանի առաջին նստաշրջանի բացման հետ:
Զատուլինն այդ օրերին Երևանում հանդիպել է Հայաստանում ՌԴ դեսպան Սերգեյ Կոպերկինին, «Հայաստան» դաշինքի առաջնորդ, ՀՀ երկրորդ նախագահ Ռովերտ Քոչարյանի, ԼՂ-ից իր ընկերների՝ մասնավորապես ԼՂ նախկին նախագահ Արկադի Ղուկասյանի հետ, ինչպես նաև ստուգել է ԱՊՀ երկրների ինստիտուտի հայկական մասնաճյուղը (ղեկավար ՝ գիտությունների դոկտոր Ալեքսանդր Մարկարով)։
Զատուլինն օգոստոսի 5-ին եղել է ԱԺ-ում, որտեղ կայացել է հետաքրքիր զրույց «Հայաստան» խմբակցության պատգամավորների՝ խմբակցության ղեկավար Սեյրան Օհանյանի, ՀՅԴ-ից Արմեն Ռուստամյանի, «Վերածնվող Հայաստան»-ից Վահե Հակոբյանի հետ։
Ռուսաստանցի պատգամավորը հանդիպել ու տևական զրույց է ունեցել Ալեն Սիմոնյանի հետ, նրան նոր կարգավիճակում մաղթել է հաջողություններ։
Ամփոփելով այցի արդյունքները՝ Կոստանտին Զատուլինը նշել է.
«Անցած տարվանից՝ պատերազմի ավարտից ի վեր ես առաջին անգամ եկա Հայաստան։ Ոչ միայն կարևոր էր տեղի ունեցածի վերաբերյալ լիարժեք պատկերացում կազմել, այլև զգալ հասարակ քաղաքացիների տրամադրությունները, որոնց հետ ես շփվեցի ն մայրաքաղաքի հրապարակներում, փողոցներում։ Երևանը, ինչպես միշտ, գեղեցիկ է, իսկ հայ ժողովուրդը՝ հյուրընկալ։ Բայց մենք Ռուսաստանում պետք է իմանանք, որ անցած տարի տեղի ունեցած ողբերգության հետևանքները թակում են յուրաքանչյուրի սիրտը, ժողովրդի ու երկրի ճակատագրի նկատմամբ այդ մտահոգությունը համատարած է:
Խաղադրույքներն ավելի բարձր են, քան երբևէ. Հայաստանն ապրում է իր նորագույն պատմության ամենադժվար ժամանակները: Նման պահին հայ ժողովրդին չաջակցելը նշանակում է, որ Ռուսաստանը դավաճանի իրեն: Վստահ եմ, որ դա լավ են հասկանում Ռուսաստանի Դաշնության նախագահն ու կառավարությունը, Պետդումայի պատգամավորները, մեր զինվորականներն ու դիվանագետները։
Օգոստոսի վեցին նա մեկնել է Սոչի։
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
