Ձեր վստահելի աղբյուրը

«Մեզ համար շատ կարևոր է պաշտպանության ու անվտանգության հարցերի հանձնաժողովը, բայց կարծում եմ, իշխանությունն առաջին հերթին դրա նախագահությունը կստանձնի»,-ԱԺ միջանցքում լրագրողների հետ ճապազրույցում հայտարարեց այսօր ԱԺ փոխնախագահ ընտրված Իշխան Սաղաթելյանը՝ կարևորելով նաև արտաքաին քաղաքականության բլոկը։

Նա հիշեցրեց, որ «Պատիվ ունեմ» խմբակցությունն առաջարկել է ԱԺ-ում ստեղծել Արցախի հարցերով մշտական հանձնաժողով։

«Մենք ամբողջությամբ միացել ենք այդ հանձնաժողովի ստեղծման նախաձեռնությանը, քիչ անց ելույթներով կհիմնավորենք դրա ստեղծման անհրաժեշտությունն ու կարևորությունը»,-ասաց Սաղաթելյանը։

Դաշնակցական գործիչն ընդգծեց, որ Արցախի հարցը ազգային ու քաղաքական է, ոչ թե սոցիալական հանձնաժողովի մակարդակի, ինչպես հիմնավորել է նիստերի դայլիճում ՔՊ ներկաացուցիչը։
«Ահա այստեղ է մեր ու այսօրվա իշխանությունների մոտեցումների տարբերությունը»,-ասաց նա։