Ձեր վստահելի աղբյուրը

Քաթարի «Ալ-Սադը» ֆուտբոլային ակումբը առաջարկ է արել կատալոնական «Բարսելոնայի» նախկին հարձակվող Լիոնել Մեսսիին:«Գազետա ռու»-ի փեխանցմամբ, այդ մասին հայտնել է «101 Great Goals»-ը:

Քաթարցիները հարձակվողին առաջարկում են 1 միլիարդ եվրո արժողությամբ եռամյա պայմանագիր:

Հիշեցնենք, որ «Ալ-Սադը» մարզում է Չավին, որը արգենտինացու նախկին թիմակիցն է:

«Բարսելոնան» պաշտոնապես հայտարարեց, որ պայմանագիր չի ստորագրի Մեսսիի հետ: «Բարսայի» պաշտոնյաները պնդում են, որ պայմանագրի չստորագրման պատճառը Լա Լիգայում ֆուտբոլային աստղի աշխատավարձի վերին սահմանն է:

Մեսսին «Բարսելոնայում» հանդես է գալիս 2000 թվականից: Արգենտինացին Իսպանիայի առաջնությունում ունի 10 հաղթանակ, 7-ը՝ Իսպանիայի գավաթի և Սուպերգավաթի խաղարկություններում, 4-ը՝ Չեմպիոնների լիգայում, 3-ական՝ Եվրոպայի սուպերգավաթում և աշխարհի առաջնությունում:

Մեսսիի նախկին պայմանագիրը «Բարսելոնայի» հետ ավարտվել է հունիսի վերջին: Արգենտինացին իր ողջ կարիերայի ընթացքում պաշտպանել է կատալոնացիների գույները: Անցած մրցաշրջանում հարձակվողն Իսպանիայում անցկացրել է 35 հանդիպում, խփել 30 գոլ (երեքը՝ 11 մետրանոցից) և ունեցել է ինը գոլային փոխանցում: