Ձեր վստահելի աղբյուրը

«Այս հոդվածով չկա նկատողություն տալու կամ նախազգուշացում հայտարարելու իրավասություն և չկա նման կարգապահական  պատասխանատվություն և բացի այդ՝ նման բոլոր խախտումների  դեպքերում սահմանված պատասխանատվության  միջոցը պետք է լինի համաչափ,  հիմնավորված և նպաստի ԱԺ նիստի բնականոն նիստի ընթացքի ապահովմանը»,-իր ելույթում հայտարարեց «Հայաստան» դաշինքի քարտուղար Արծվիկ Մինասյանն՝ անդրադառնալով  ԱԺ  նախագահ Ալեն Սիմոնյանի՝ ընդդիմադիր պատգամավորներին «նիկոլ» բառի համար նկատողություններ տալուն:

Մինասյանը նշեց, որ «ԱԺ կանոնակագ» օրենքի 52 հոդվածին հղում անելով նիստում որոշակի  իրավունքի չարաշահում է տեղի ունենում, երբ հայտարարվում է նկատողություն այս կամ այն պատգամավորին:

«Մինչդեռ այն, ինչ ներկայացվում է այստեղ հաճախ ԱԺ նիստի նախագահողի կողմից, ինձ շատ հիշեցնում է փողոցում ոստիկաների կողմից  գործողությունը, երբ նա բերման ենթարկելուց հետո ասում է՝ ոստիկանի օրինական պահանջը չկատարելու համար բերման ենթարկեցինք: Սա, կարծում եմ՝  հավելյալ քննարկման հարց է և կանոնակարգ օրենքի կիրառման հարցում, առաջարկում եմ պարոն Վարդանյան ապագայի համար օրենբսդարական բարելավման տեսանկյունից նկատի ունենալ»,-հայտարարեց «Հայաստան» դաշինքի քարտուղարը:

Դիմելով Պետաիրավական հարցերի մշտական հանձնաժողովի նախագահի թեկնածու Վլադիմիր Վարդանյանի՝ Մինասյանը նկատեց, որ օրենսդարության կիրառման վերահսկողության մասով բաց կա:

Ըստ պատգամավորի՝ «ԱԺ Կանոնակարգ» օրենքի 122 հոդվածի համաձայն Պետաիրավական հարցերի  հանձնաժողովի աշխատանքների համար  միջոցառումների ծրագիր է պետք  ունենալ, որպեսզի  նախաքննական, վարչական մարմինները, որոնք վարչական ապօրինի  բերման են ենթարկում, օրենսդրական կարգավորումներով  խնդիր ունենան օրենսդրական վերահսկողության կիրառման հետ:

Արծվիկ Մինասյանը կարծիք հայտնեց, որ դրանք այն հարցերն են, որոնք Վարդանյանի ղեկավարած հանձնաժողովի իրավասության ներքո են, բայց զրո արձագանք՝ եղել և հանձնաժողովի աշխատանքը տեսանելի չէ:

«Հնչեղություն ստացած քաղաքական հարցերը, որոնք փաթեթավորվում են իրավական կեղծ ձևակերպումներով և ներկայացվում են իբրև արդարադատություն կամ օրենքի գերակայություն, դրանք իրկանում ոչ մի աղերս չունեն ո՛չ իրավունքի գերակայության, ո՛չ օրենքի առաջ իրավահավասարության արդարադատության իրավական սկզբունքի հետ:  Եվ այսքանից հետո կարծում եմ՝ ճիշտ չէ ակնկալել՝ որ դրական արձագանք պետք է ունենաք»,-ասաց «Հայաստան» դաշինքի քարտուղարը: