Ձեր վստահելի աղբյուրը

«Երբ որ դուք տվեցիք զոհերի մասին տեղեկատվությունը, այնտեղ մի տարօրինակ բան կար, որին չցանկացա անդրադառնալ մամուլով, բայց հիմա ասեմ. Այնտեղ հունիսի 12-ի դրությամբ զոհվածները 3499 էին, անհետ կորածները՝ 419 և հուղարկավորված 3588, բայց չի կարող ավելի շատ հուղարկավորված լինի քան զոհված»,-Պաշտպանության և անվտանգության հարցերի մշտական հանձնաժողովի ՔՊ-ի թեկնածու Անդրանիկ Քոչարյանին հայտնեց «Հայաստան» դաշինքի պատգամավոր Գեղամ Նազարյանը:

Նազարյանը նշեց, որ շատ այլ զինվորականների և իրադարձություններից տեղյակ մարդկանց հետ է խոսել և զոհերի թիվը իրականում պատկերացնում  է, թե որքան է:

«Ես աշխարհում այն մարդն եմ, որն ամեն ինչ կտար, որ այդ թիվը ցածր լիներ 4 հազարից»,-ասաց Նազարյանը և պնդեց, որ այսօր իշխանությունից գոնե մեկը պետք է պաշտոնապես կանգնի և ժողովրդին ներկայացնի զոհերի իրական պատկերը, որպեսզի այլ թվեր հրապարակելուց մյուսները խուսափեն, քանի որ դրանք լսելուց կորուստներ ունեցող ընտանիքներում շատ վատ վիճակ է լինում:

Անդրանիկ Քոչարյանը հայտնեց, թե՝ հակասություն չկա այդ թվերի մեջ, դրանք անընդհատ պակասում են և փոփոխվում և հիշատակված տարբերություններն այդ տիրույթում են: 

Իր հանրահաշվին ավելացրեց՝ 44-օրյա պատերազմի քննող հանձնաժողովի գործունեությունը պետք է լեգիտիմ լինի՝  ներկայացված լինելով նաև ԱԺ համամասնաությամբ ընդդիմությունը՝ նաև փորձագետների մակարդակով, որպեսզի հանձնաժողովի աշխատանքներից հետո «մեղավորներ ման չգան»:

Գեղամ Նազարյանը կարծիք հայտնեց, որ 44-օրյա քննիչ հանձնաժողովի իդեալական տարբերակը կլիներ այն, որ գլխավորվեր ընդդիմությունը՝ կառավարող խմբակցության ակտիվ մասնակցությամբ:

«Մի քանի օր առաջ Ձեր խմբակցությունից մի պատգամավոր շատ վտանգավոր այսպիսի հայտարարություն արեց. «Ոմանք կարծում էին, որ մենք ժողովրդավարությունը պետք է ստորադասեինք երկրի անվտանգությանը՝ բարեբախտաբար այդպես չեղավ», արդյո՞ք դուք և ձոր ներկայացրած քաղաքական ուժը կիսում եք այդ կարծիքը»,-Քոչարյանին արձագանքեց Նազարյանը:

ՔՊ խմբակցության ներկայացուցիչն ասաց, որ հանձնաժողովի նախագահի համար պատրաստած իր ելույթում ասել է՝ երկուսն էլ կարևորում է: