Եթե խոսքի ազատությունն այդքան չսահմանափակվեր՝ չէր լինելու արծրունհովհաննիսյանական իրականության ձևավորումը. Արա Վարդևանյան
«Եթե կառավարության որոշմամբ խոսքի ազատությունն այդքան չսահմանափակվեր՝ չէր լինելու արծրունհովհաննիսյանական իրականության ձևավորումը, չեր լինելու հասարակական, հանրային կարծիքի այդպիսի միակողմանի ձևավորումը, որն էլ իր հերթին հանգեցրեց նրան, որ 44 օրյա պատերազմի վերաբերյալ մեր հայրենակիցներից և ոչ մեկն իրական պատկեր չէր կարողանում ընկալել նույնիսկ»,- Պետաիրավական հարցերի մշտական հանձնաժողովի նախագահի ընտրության քննարկման ժամանակ ռազմական դրության մասին կառավարության հայտնի որոշմանն անդրադարձավ «Հայաստան» խմբակցության պատգամավոր Արա Վարդևանյանը:
Նա հիշեցրեց, որ բոլոր այն դեպքերում, երբ ԶԼՄ-ն հայտնում էր տեղեկություն, որը հաճելի չէր թելադրվող իրականության հեղինակին, պարզապես տուգանվում էին՝ հիմքն էլ կառավարության ռազմական դրության մասին որոշումն էր, որն էլ սահմանափակումների մասով ճանաչվեց հակասահմանադրական և անվավեր:
Պատգամավորը նկատեց, որ եթե հարցը ՄԻՊ-ը բարձրաձայնած չլիներ, ապա ՍԴ որոշումն էլ չէր լինի:
Վարդևանյանը նշեց՝ ի պատասխան մինչ այդ հնչեցրած իր հարցին Վլադիմիր Վարդանյանը չի անդրադարձել այն փաստին, որ նոյեմբերի 9-ից հետո ռազմական դրությունը տևական ժամանակ պահպանվել է, որի նպատակը քաղաքական որոշակի գործընթացների զսպելն ու կանխելն է եղել՝ սահմանադրական կոնկրետ դրույթների կատարումը արգելափակելը:
«Բայց Պետաիրավական հանձնաժողովը կարող էր միջոցներ ձեռնարկեր, որպեսզի ռազմական դրության մասին որոշումը չլիներ այնպիսին, ինչպիսին կար՝ մասնավորապես խոսքի ազատության վերաբերյալ սահմանափակումների մասվ»,- հայտարարեց պատգամավորը:
Մինչ իր ելույթը Արա Վարդևանյանը հարց էր ուղղել Վլադիմիր Վարդանյանին, թե արդյոք ռազմական դրությունից բխող կառավարութան որոշումը Պետաիրավական հարցերի մշտական հանձնաժողովում քննարկման առարկա դարձել է՝ հաշվի առնելով այն ակնհայտ հակասահմանադրական կարգավորումները, որոնք կային, հատկապես խոսքի ազատության սահմանափակման մասով:
«Ռազմական դրության մասին որոշումը ներկայացվում է կառավարության կողմից Սահմանադրության պահանջով և ԱԺ-ն այլընտրանքային որոշմամբ կարող էր այն վերացնել: Արտակարգ նիստն այդ փաստաթուղթը լեգիտիմացնելու նպատակ ունի»,- պատասխանել էր Վարդանյանը և նկատել, որ ինքն իր հարցում արդեն նշել է, թե ուր կարելի է դիմել, եթե հարցը հակասահմանադրական է:
Հարակից հրապարակումներ`
- Առաջին անգամ է ՀՀ-ում խորհրդարան ձևավորվել, որտեղ 16 ընդդիմադիր պատգամավոր քրեական հետապնդման տակ է. Արթուր Ղազինյան
- Արմեն Գևորգյան. Փաստաթղթի հեղինակները կամ մինչև վերջ չեն ըմբռնել հանրային ծառայությունը, կամ որոշել են այն ասոցացնել գործադիր իշխանության հետ
- Նալբանդյան փողոցի այդ հատվածով նույնիսկ քայլած չկամ. Վլադիմիր Վարդանյանը՝ ԱԱԾ-ի հետ իր համագործակցության մասին
- Դատավորներին գործերի մակագրումը տեղի է ունենում, մեղմ ասած, կասկածելի եղանակով. Հայկ Մամիջանյան
- Նշեք Հայաստանի այն աշխարհագրական կետերը, որոնք համարում եք ամայի տարածքներ. Քրիստինե Վարդանյանը՝ Վլադիմիր Վարդանյանին
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
