Ռուս խաղաղապահներն Արցախում ապահովել են խմելու խոշոր ջրհորի կառուցման աշխատանքների անվտանգությունը

Քաղաքական 14:20 12/08/2021 Արցախ

Ռուս խաղաղապահներն Արցախում ապահովել են խմելու խոշոր ջրհորի կառուցման աշխատանքների անվտանգությունը

Ռուսական խաղաղապահ զորախմբի զինծառայողներն ապահովել են Արցախի Մարտունու շրջանի սահմանազատման գծի մոտ գտնվող ջրամատակարարման գծի վրա աշխատող մասնագետների անվտանգությունը: Այդ վայրում կառուցվում է ջրի պահպանման հոր՝ հարակից գյուղերը խմելու ջուր մատակարարելու համար: Այդ մասին հաղորդագրություն է տարածել ՌԴ ՊՆ-ն:

Հաղորդագրության մեջ ասվում է, որ հորատման, պոմպակայանի տեղադրման և խողովակների տեղակայման աշխատանքների նախօրեին խաղաղապահ զորակազմի մարդասիրական ականազերծման ստորաբաժանման սակրավորներն իրականացրել են ջրհորի բացման համար ընտրված տարածքի ականազերծման աշխատանքներ:

«Այժմ մենք մաքրում ենք ջրհորի հարակից տարածքը` հրդեհային անվտանգությունն ապահովելու համար: Տրանզիտ ջրամատակարարումը ջրով կապահովեն Կարմիր Շուկա և Թաղավարդ բնակավայրերը: Միայն Թաղավարդում կա մոտ հազար մարդ, նրանց կապահովվի խմելու ջրով, Կարմիր Շուկայում էլ մոտավորապես նույնքան մարդ է ապրում»,-ասել է ջրամատակարարման ընկերության ներկայացուցիչ Մխիթար Բաբայանը և հավլել. «Ջուրը հաջորդ շաբաթ այստեղից կմղվի բնակավայրեր: Խաղաղապահներն, անշուշտ, օգնում են մեզ, որպեսզի մենք աշխատենք անվտանգության մեջ, ինչի համար շնորհակալ ենք նրանց: Շնորհակալություն»,-պարզաբանեց նա:

Ըստ ՌԴ ՊՆ-ի հաղորդագրության՝ խմելու ջրի կայանի վերազինման և ջրատարի տեղադրման ինժեներական աշխատանքների ողջ գործընթացն ավարտելուց հետո Ստեփանակերտ քաղաքին մոտակա 10 բնակավայրերի մոտ 5 հազար բնակիչ կապահովվեն արտեզյան խմելու ջրով:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: