Ձեր վստահելի աղբյուրը

Ղրիմի Բախչիսարայի շրջանում գտնվող արքայազնի պալատի տարածքում պեղումների ժամանակ հայտնաբերվել է կապույտ հազվագյուտ կապարե կնիք։ Այս մասին ասել է արշավախմբի ղեկավար, Ղրիմի դաշնային համալսարանի պատմության բաժնի դեկան Ալեքսանդր Հերզենը, գրում է «Ռիա Նովոստի»-ն։

«Հնագետները գտել են 9-10-րդ դարերի հազվագյուտ կապարե կնիք, որը կարող է պատկանել բյուզանդացի պաշտոնյային, արքայազնի պալատի տարածքում  Թեոդորոյի միջնադարյան իշխանության նախկին մայրաքաղաքում, Ղրիմի Բախչիսարայի շրջանի Մանգուպ սարահարթում»,-ասել է Հերցենը։

Նրա խոսքով, կապարային կնիքները, որոնք պատկանում էին Բյուզանդական կայսրության կարևոր անձանց և պաշտոնյաներին, շատ հազվադեպ և չափազանց կարևոր են:

«Նրանք դրանցով կնքել են փաստաթղթեր: Մենք գտել ենք ևս մի քանի նմանատիպ իրեր, բայց դրանք շատ ուժեղ հալված են: Կապարը չի սիրում բարձր ջերմաստիճան, իսկ պալատը հրդեհվել է»,-ընդգծել է Հերցենը:

Բացի այդ, հնագետները հայտնաբերել են 9-10-րդ դարերի գրեթե մի ամբողջ կերամիկական ամֆորա, որի մեջ, ենթադրաբար, պահվել է գինի կամ ջուր:

Մանգուպը միջնադարյան բերդաքաղաք է Ղրիմի Բախչիսարայի շրջանում։ Այն եղել է Թեոդորո իշխանության մայրաքաղաքը, որը ձևավորվել է XIV դարի կեսերին: