Ձեր վստահելի աղբյուրը

Կանբերայում գիտնականները մեկ ամսվա ընթացքում լաբորատոր ուսումնասիրությունների ընթացքում առնետներին ամեն օր խուտուտ են տվել, որպեսզի ստուգեն, թե ինչպես է դա անդրադառնում նրանց էմոցիոնալ վիճակի վրա։ Այս մասին գրում է Ռիա Նովոստի-ն։

Ավստրալիայի առողջապահության և բժշկական հետազոտությունների ազգային խորհրդի մասնագետները հայտնաբերել են, որ խուտուտի դեպքում առնետներն ընդհանուր առմամբ ավելի լավ են արձագանքել մարդու հետ շփմանը և ավելի քիչ են վախեցել:

Ուրախ կենդանիները, ըստ հետազոտողների, ավելի լավ են կատարել փորձերի ընթացքում հանձնարարված առաջադրանքները: Միաժամանակ,  ոչ բոլոր առնետներին է դուր գալիս այս ամենը։

Գիտնականներն ասել են, կրծողներին պետք է կարողանան ճիշտ խուտուտ տալ, հակառակ դեպքում այս գործընթացը կարող է նրանց անհանգստություն պատճառել:

Փորձագետները պարզաբանել են, որ նման փորձերի նպատակն է նվազեցնել բացասական ազդեցությունը և ամրապնդել մարդկանց հետ դրական փոխհարաբերությունները: