Ձեր վստահելի աղբյուրը

«Վերջին երեք տարիների ընթացքում Ջրային կոմիտեների նախագահն ամեն տարի հենց գարնանային  գյուղատնտեսական աշխատանքների նախօրյակին փոխվում է, այսպիսի վերաբերմունք է կառավարության կողմից Ջրային կոմիտեի նկատմամբ»,- այսօր ԱԺ-ում հայտնեց «Հայաստան» խմբակցության պատգամավոր Գեղամ Մանուկյանը՝ Սևանա Լճից լրացուցիչ ջրառ նախատեսող օրենքի նախագծի քննարկման ժամանակ:

Պատգամավորը նախագիծը զեկուցող Ջրային կոմիտեի նախագահ Կարեն Սարգսյանին հարցրեց, թե նա մարզի ՋՕ-ի փոխտնօրեն կնշանակի՞ մեկին, որը երբևէ ոռոգման համակարգի հետ առնչություն չի ունեցել։

Կարեն Սարգսյանը նշեց, որ կնշանակեր և լրացուցիչ տեղեկություններ ներկայացրեց, որպեսզի պատգամավորը հեգնանքով չարտահատվի իր ղեկավարած կառույցի նշանակումներին։

Գեղամ Մանուկյանը Սարգսյանին հարցրեց, թե երկա՞ր է պաշտոնավարելու կոմիտերում, և հավելեց, որ խոսակցություն կա մարզպետի պաշտոնին նրա տեղափոխվելու մասին:

«Ոնց կորոշի մեր ղեկավարը»,- պատասխանեց Կարեն Սարգսյանը: