Ձեր վստահելի աղբյուրը

Նիկոլ Փաշինյանի արտահայտած կարծիքով՝   երկրում կառավարման համակարգի փոփոխությունը սահմանադրությամբ պիտի լինի «բարեփոխումների ճանապարհով»։

Նրա խոսքով նման փոփոխություններ անելիս իշխող ուժը պետք է քաղաքական և հանրային լայն շրջանակների հետ քննարկումներ ունենա:

«Այստեղ շատ կարևոր է լինելու իշխող քաղաքական ուժի դիրքորոշումը՝ որպես ժողովրդի քվեն ստացած քաղաքական ուժ, բայց իշխող քաղաքական ուժի դիրքորոշումը միակ գործոնը չպետք է լինի, որը ազդի այս որոշման վրա»,- կառավարության նիստում ասաց Փաշինյանը՝ չանդրադառնալով, թե իշխող ուժը ՀՀ ամբողջ բնակչության որ տոկոսի քվեն է ընդամենը։

Նա նաև համոզմունք հայտնեց, որ կառավարման համակարգի փոփոխության հարցում հանրային կոնսենսուս չի ձևավորվելու, քանի որ դրա վերաբերյալ լինելու են տարբեր կարծիքներ:

«Ես ուզում եմ ամենաակնհայտ օրինակը բերել, երբ երկրում առկա էր ռազմական հեղաշրջման վտանգը, այն կարգավորելու համար մեկ ամիս ժամանակ պահանջվեց, իսկ այդ ընթացքում թե ինչ տեղի ունեցավ կամ տեղի չունեցավ և ինչպես դա ազդեց մեր երկրի անվտանգային համակարգի վրա, ցավոք սրտի՝ մենք տեսանք մայիս ամսին: Կարծում եմ, որ ռազմական դրության պայմաններում նման իրավիճակներն արագ կարգավորելու հնարավորության բացակայությունը այն ակնհայտ խնդիրն  է, որ կա մեր սահմանադրական կարգավորումներում»,-նշեց Նիկոլ Փաշինյանը: