Ձեր վստահելի աղբյուրը

Գործ ունենք բացառապես քաղաքական հետապնդման հետ։ Այս մասին  «Վարդաշեն» ՔԿՀ-ի մոտ ասաց Արմեն Չարչյանի փաստաբան Էրիկ Ալեքսանյանը։

«Որևէ հիմք, Առաջին ատյանի դատարանի որոշումը բեկանելու, իրակականում չկար։ Ի սկզբանե հիմքը եղել է այն, որ լինեով ազատության մեջ վերջինս  ազդեցություն կգործադրի դատավարության մասնակիցների վրա, զուտ այն հանգամանքով, որ նա ԲԿ-ի տնօրենն էր։ Նա հիմա այդ կարգավիճակում չի  գտնվում, հետևաբար նման մտավախություն այլևս գոյություն չունի։ Ակնհայտ է, որ այս որոշումն ապօրինի է։ Դատախազությունն ամեն գնով ուզում է պարոն Չարչյանին ազատությունից զրկել»,- նշեց փաստաբանը։

Ալեքսյանյանի խոսքով՝ պետությունը չի կարող կամայական գործողություններ կատարել։

«Բոլոր գործողությունները պետք է լինեն դատավարական։ Այստեղ այդ դատավարական նպատակը չկա»,- ասաց նա։

Փաստաբանը նաև շեշտեց, որ անկախ այն բանի , որ այս գործն ունի քաղաքական երանգ, բոլոր դեպքերում, պայքարը շարունակելու են իրավական դաշտում։

Նրա խոսքով՝ Չարյանին ազատությունից զրկելով հարցը փակված չեն կարող համարել։

«Միանշանակ պայքարը շարունակելու ենք։ Պարոն Չարչյանը գտնվելու է ազատության մեջ։Դա իրենց ճաշակով է, ճաշակով չէ,կամ ցանկությունից է բխում, թե՝ ոչ, կարևորը դա չէ։ Կաևորը՝ արդարությունը վերականգնելն է» ,- եզրափակեց փաստաբանը։