Ձեր վստահելի աղբյուրը

Ազգային ժողովի նիստերի դահլիճում այսօր երեք «քացբանտարկյալ» կա։ «Հայաստան» խմբակցության աթոռներից երեքի վրա տեղադրված էր «քաղբանտարկյալ» գրությունը։ 

Հիշեցնենք, որ ընդդիմադիր այս ուժի երեք պատգամավորներ՝ Մխիթար Զաքարյանը, Արթուր Սարգսյանը, Արմեն Չարչյանը անազատության մեջ են ու չեն կարողանում մասնակցել խորհրդարանի նիստերին։

Հիշեցնենք, որ Արմեն Չարչյանը, որ կալանքից ազատվել էր գրավի դիմաց, երեկ վերաքննիչ դատարանի որոշմամբ կրկին կալանավորվեց։ Նա իր ոտքով գնաց «Վարդաշենք» ՔԿՀ։

Այսօր ԱԺ-ում խմբակցության ղեկավար Սեյրան Օհանյանը հայտարարեց  «Հայաստան» դաշինքի անդամների նկատմամբ չդադարող հետապնդումների մասին և  խստորեն դատապարտեց ընդդիմադիր գործունեությունն ու խոսքը  բռնճանշումների միջոցով սահմանափակելու իշխանությունների հանցավոր վարքագիծը:

«Մեր ամբողջական աջակցությունն ու զորակցություն ենք հայտնում ապօրինի անազատության մեջ գտնվող մեր բոլոր գործընկերներին ու Ազգային ժողովի ղեկավարությանը պահանջում ենք ապահովել պատգամավորների բնականոն գործունեությունն ու առաջարկում բոլոր խմբակցություններին հանդես գալ համապատասխան հայտարարությամբ, պահաջնում ենք  Ազգային ժողով գա գլխավոր դատախազն ու բացատրություն տա»,- ասաց Սեյրան Օհանյանը: