Ձեր վստահելի աղբյուրը

«Կառավարության ծրագիրը պետք է լինի հստակ, կոնկրետ խնդիրներով ու լուծումներով, ժամկետներով և արդիական դրա համար անհրաժեշտ է կառավարության ճիշտ ֆունկցիոնալ կառուցվածք և ոլորտային հստակ ծրագրեր՝ իրենց տեխնիկա-տնտեսական հստակ բնութագրերով»,-իր ելույթում հայտարարեց «Պատիվ ունեմ» խմբակցության պատգամավոր Իշխան Զաքարյանը:

Նրա խոսքով՝ պետք է գտնել կառավարության օպտիմալ  կառուցվածը

«Տարբեր հաշվարկներով Հայաստանում գործում են 250-300 հազար գյուղատնտեսական տնտեսություն, բայց գյուղատնտեսության նախարարություն չկա նաև մշակույթի նախախարարություն չունենք»,-հայտնեց Զաքարյանը և շեշտեց, որ եթե երկորւմ պետք է լիներ 5 նախարարություն, ապա ՊՆ-ից հետո պետք է լիներ Մշակույթի նախարարությունը:

Նրա խոսքով՝ աշխարհաքաղաքական այս բարդ միջավայրում պետք է շտապ անցնել բարեփոխումների, սակայն դրա համար երկրում պետք է ստեղծվի համապատասխան մթնոլորտ:

Ըստ պատգամավորի, պետք է հրաժարվել անարդյունավետ ծախսերից և ողջ բարիքն ուղղել ժողովրդին:

Նկատելով, որ պետության համար իրական չարիքը պետական մակարդակի կոռուպցիան է, որը եթե կրում է համակարգված բնույթ, ապա չափազանց վտանգավոր երևույթ է՝ Իշխան Զաքարյանը հայտնեց. «Համակարգված կոռուպցիան ծաղկում է, երբ օրենսդիր և գործադիր իշխանությունները գործում են ձեռք ձեռքի տված, երբ օրենքները գրվում են մի խումբ մարդկանց համար, նրանց ճաշակով ու հագին համապատասխան և նրանց համար տեղի է ունենում բաշխում՝ ստվերային տնտեսությունից մինչև գործընթացների տիրապետում»:

Նրա խոսքով՝ կոռուպցիան կանխելու համար պետք է կանխել պետական գույքի վարձակալության այն դեպքերը, երբ պետական չինովնիկը պետական գույքը դիտարկում է սեփական կապիտալն ավելացնելու գործընթաց:

Նշելով որ ՀՀ հողային ֆոնդի 60 %-ը չի մշակվում, Զաքարյանը վստահություն հայտնեց, որ դրա կեսից ավելին այն հողերն են, որոնք պետական չինովնիկները տարբեր ժամանակներում կադաստրային արժեքներով գնել են և  ոչինչ չեն արել և սպասվում են հարմար գնորդներ:

Դրա լուծումն այն է, որ համայնքապետերը պետք է ներկայացնեն հողերի սեփականատերերի ցուցակը, իսկ վերջիններս, եթե չեն ներկայացնում բիզնես ծրագրեր, ապա հողը նրանցից վերցվում է:

«Պատիվ ունեմ» խմբակցության պատգամավորն առաջարկեց փոխել կառավարության կառուցվածքը՝ ավելացնելով գյուղատնտեսության և մշակույթի նախարարությունները, եռամսյա  ժամկետում ավարտել հողային ֆոնդի չմշակվող հողատարածքների հաշվառումը և խնդրին տալ կոնկրետ լուծումներ, նախատեսել 1000-ից ավել ջրամբարների և ջրահավաք կառույցների շահագործումը, ինչպես նաև նախատեսել 35-40 նոր գյուղատնտեսական ծրագրեր, իսկ ոռոգման ջրի սակագինը մեկ հեկտարի համար սահմանել 1000 դրամ: