Ձեր վստահելի աղբյուրը

«Հայաստան» դաշինքի պատգամավոր Արամ Վարդևանյանը ԱԺ-ում ելույթի ընթացքում անդրադարձավ  նոյեմբերի 9-10-իդեպքերին, որոնց մասին Խորհրդարանում այսօր շատ արծարծվեց, ասելով, որ  21-րդ դարի տեխնոլոգիաների պարագայում շատ հեշտ է պարզել ամեն բան։ 

«Նոյեմբերի 10-ին Կառավարության շենք մտած անձանց մեջ եղել են մարդիկ , որոնք մուտք  են գործել հետևյալ պատճառաբանությամբ ՝ «մուտք էիք գործել կառավարության  շենք, որպեսզի օգնենք , որ Նիկոլ  Փաշինյանը չստորագրի նոյեմբերի 9-ի փաստաթուղթը»։ Գիտեք ինչո՞ւ էր այդպես, քանի որ ֆեյսբուքյան էջերով և տեղեկատվական համակարգերով տարածվում էր այն միտքը, թե ստորագրությունը չկա։

Սիրելի հայրենակիցներ, նորություն չեմ ասի, որ վերջին երեք տարիներին  տեղեկատվության մանիպուլացիայի բազմաթիվ դեպքեր են եղել։ Եթե ձեզանից մեկը մտածում է, որ նախկինում ամեն ինչ փայլուն է եղել, այդպես չէ, խնդիրներ եղել են։ Բայց հարցը նրանում է, որ ձեր ժամանակ էլ է եղել։ Բայց տպավորություն է, որ միշտ փորձում եք դրա մասին երբևէ չխոսել։ Ոչ խոսում եք փոքր ու միջին խնդիրների, ոչ էլ ՝ մեծ, տիտանական, արհավիրքի հասնող խնդիրների մասին։ Ուղղակի չեք խոսում դրա մասին»,- ասաց Վարդևանյանը։

Անդրադառնալով Արցախի հարցի շուրջ հնչած դիտարկումներին, պատգամավորը նշեց․

«Ես չեմ կարող հավակնել այնպիսի կարգավիճակի, որ ասեմ ամբողջությամբ տիրապետում եմ Արցախի բանակցությունների գործընթացին։ Կարող եմ հստակ ասել, որ Մադրիդյան սկզբունքների վերաբերյալ փաստաթղթին հստակ տիրապետում եմ։ Դա, ի  վերջո, ազգերի ինքորոշման իրավունքը ֆիքսելու փաստաթուղթն է։ Կարող եմ արդյոք բարձրաձայնել հետևյալ առաջարկը՝ վերջին երեք  տարիներին և նախորդող տարիներին բոլոր փաստաթղթերը թող հրապարակվեն։ Իշխանությունն ասում էր, որ սկսել ենք զրոյական կետից, նոր բանակցություններ էր ընթանում, եկեք տեսնենք ո՞րն էր այդ բանակցությունները։ Եկեք հասարակությանը շիտակ ցույց տանք»,- հայտարարեց պատգամավորը։

Ինչ վերաբերում է Կառավարության ծրագրին Վարդևանյանը մասնավորապես անդրադարձավ իրավական համակարգին վերաբերղ դրույթներին՝ ասելով․

«Գրված է․ որ պետք էլինի անկախ, վստահություն վայելող, նախաքննական մարմիններ։ Անկախ  նախաքննական մարմինը չի կարող լինել այնպիսին, որ 2020 թվականի դեկտեմբերի 12-ից հետո նույնիսկ քննչական գործողություն կատարած չլինի Արայիկ Հարությունյանի վերաբերյալ»։