Ձեր վստահելի աղբյուրը

«Չգիտեմ, թե ինչպես այսպես ստացվեց այս տարի, երևի կարոտել էի շախմատը, քանի որ մոտ մեկ ու կես տարի ոչ մի մրցում չէինք ունեցել»,- ասուլիսում ասաց Հայաստանի շախմատի կանանց հավաքականի անդամ, Եվրոպայի նորընծա չեմպիոն Էլինա Դանիելյանը:

Հիշեցնենք, որ Ռումինիայի Յասի քաղաքում կայացած Եվրոպայի կանանց անհատական առաջնությունում  Էլինա Դանիելյանը ոչ մի պարտություն չի գրանցել, ունեցել է 7 հաղթանակ, 4 ոչ ոքի և 9 միավորով դարձել Եվրոպայի կանանց անհատական առաջնության հաղթող: 

«Վերջին երկու պարտիաներն ամենադժվարն էին ինձ համար: Դժվար էին ոչ թե շախմատային տեսանկյունից, այլ հոգեպես, քանի որ ինչքան մոտենում էի տիտղոսին ու զգում էի, որ կարող էի դա անել այս տարի, ավելի նյարդային էի դառնում, լարված խաղում»,- ասաց Է. Դանիելյանը:

Հայաստանի կանանց հավաքականի գլխավոր մարզիչ Զավեն Անդրիասյանի խոսքով՝ Եվրոպայի առաջանությունը հավաքականի և հավաքականին մոտ կանգանած ևս երկու շախմատիստուհիների համար բավականին հաջող էր: 

«Իհարկե, Հայաստանն իր պատմության մեջ երբևէ Եվրոպայի չեմպիոն չի ունեցել թե տղամարդկանց, թե կանանց շրջաում: Բնականաբար, Էլինայի հաջողությունը առաձին կետ է, որի մասին պետք է խոսել: Էլինային միշտ ասել եմ, որ  իրեն խանգարում էր էմոցոնիալ խաղը, ինչը միշտ բերում է կորուստներ: Այս անգամ չեղավ էմոցոիոնալ խաղ, դրա համար պարտություն չեղավ: 

Աննա Սարգսյանը խաղաց շատ լավ, Եվրոպայի առաջնությունում 5-րդն է, ինչը մեր շախմատիստների համար շատ լուրջ արդյունք է եթե ամփոփենք վերջին 30 տարիները: Սուսաննա Գաբոյանն էլ շատ լավ էր խաղում, ուղղակի նախավերջին տուրում վրիպեց»,- նշեց Զավեն Անդրիասյանը: