14 ժամ է ՀՀ-ի հարավը կտրված է հյուսիսից, իսկ Փաշինյանը ԱԺ-ում հոխորտալով շարունակում էր կառավարության ծրագրից խոսել. Լիլիթ Գալստյան

Քաղաքական 14:56 26/08/2021 Հայաստան

14 ժամ է ՀՀ-ի հարավը կտրված է հյուսիսից, իսկ Փաշինյանը ԱԺ-ում հոխորտալով շարունակում էր կառավարության ծրագրից խոսել. Լիլիթ Գալստյան

«Հայաստանում չկա պետականություն, Հայաստանում ինքնիշխանության կորուստ ենք արձանագրում»,- ԱԺ-ում լրագրողների հետ ճեպազրույցում ասաց «Հայաստան» դաշինքի անդամ Լիլիթ Գալստյանը:

Նա նշեց, որ արդեն 14 ժամ է Հայաստանի հարավը կտրված է հյուսիսից, իսկ Նիկոլ Փաշինյանն ԱԺ-ում հոխորտալով շարունակում էր կառավարության ծրագրից խոսել ու ներշնչել հայ ժողովորդին, թե ապագա կա:

«Նրանց հետ ոչ միայն ապագա չկա, նույնիսկ մեր ներկան է կործանված»,- ասաց ընդդիմադիր պատգամավորը:

Լ. Գալստյանի խոսքով, պետք է արձանագրել հերթական անգամ այս իշխանությունների անկարողությունը, մեր հայրենիքի ու պետականության հետ կապ չունենալը:

«Այս պարագայում երեկ Նիկոլ Փաշինյանի հրահանգով ԱԺ-ում Բարդուղիմոսյան գիշեր էր կազմակերպվել և հաշվեհարդար, որ տեղի ունեցավ ընդդիմության նկատմամբ, իսկ ինքը ճիզվիտային հրճվանքով հետևում էր, թե ինչ է կատարվում Աժ-ում»,- ասաց պատգամավորը:

Ըստ նրա, ԱԺ-ում տեղի ունեցած միջադեպերը նաև սահմանին կատարվող դեպքերից հասարակության ուշադրությունը շեղելու փորձ էր:

Լիլիթ Գալստյանը նշեց, որ Հայաստանում ժողովրդավարությունը մահացել է, ՀՀ-ում պառլամենտարիզմ չկա, քաղաքական մեծամասնությունը քաղաքական խոսք լսելու ունակություն իսկ չունի:

«Օգոստոսի 2-ից, երբ ԱԺ-ն սկսեց իր աշխատանքները, կալաշնիկովով զինվորների առատությունը, ՊՊԾ ողջ գնդի ներկայությունը, ՊՊԾ-ի ուղղորդված, հրահանգավորված հարձակումներն ընդդիմության վրա՝ այս ամենը խոսում է իշխանության անտանելի վախերի, նույնիսկ պետականության կորստի և մեր հողային զիջումների հաշվին սեփական իշխանությունը պահելու, նրանց անունակության մասին»,- ասաց նա:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: