Ձեր վստահելի աղբյուրը

Արդեն 2-րդ օրն ադրբեջանական կողմը փակ են պահում Գորիսից Կապան տանող ՀՀ միջպետական ճանապարհը։

Կապան համայնքի ղեկավար Գևորգ Փարսյանը Panorama.am-ին հայտնեց, որ  նախօրեին տեղի ունեցած բանակցություններն արդյունք չենք տվել: Նրա ունեցած տեղեկություններով, այսօր բանակցությունները պետք է շարունակվեն։

Գևորգ Փարսյանի փոխանցմամբ, բանակցությունները եռակողմ է, մասնակցում են հայ և ռուս սահմանապահները, ադրբեջանական կողմը:

«Այս սցենարը ծանոթ է, տարբեր դեպքերում նման սցենար եղել է՝ ուշացրել են, ձգձգել հարցի լուծումը և արդյունքը մեզ համար ոչ այդքան դրական է լինում: Մյուս կողմից նման լուրջ հարց չենք ունեցել մինչ այսօր, պետք է բոլոր ջանքերը գործադրել այս հարցը լուծելու համար»,- ասաց Գևորգ Փարսյանը:

Հիշեցնենք՝ ԱԱԾ-ից հայտնել էին, որ   օգոստոսի 25-ին ժամը 23:00-ի սահմաններում ադրբեջանական կողմը փակել է Կապան-Գորիս միջպետական ճանապարհի Կարմրաքար-Շուռնուխ հատվածը: Երեկ ՄԻՊ-ը հայտնել էր, որ ադրբեջանական զինված ծառայողները փակել են նաև ՀՀ Սյունիքի մարզի Գորիսից Որոտան տանող ճանապարհը:

Հ.Գ. Թշնամի պետությունը մտել է ՀՀ ինքնիշխան տարածք, փակել ՀՀ համար կենսանական նշանակություն ունեցող միջպետական ճանապարհ ու այսքանից հետո բանակցություններ են վարվում մեր երկրում մեր ճանապարհը բացելու համար: Սա Փաշինյանի ստորագրած, բայց մեր պարտության շարունակությունն է։