![](https://panorama.am/news_images/853/2557847_1/untitled_28.thumb.jpg)
Խծաբերդի և Հին Թաղերի գործով մեղադրյալ փոխգնդապետ Արսեն Ղազարյանը չի կալանավորվի
Հադրութի շրջանի Խծաբերդ և Հին Թաղեր գյուղերը հանձնելու, 62 շիրակցիների գերի ընկնելու գործով մեղադրյալ, փոխգնդապետ Արսեն Ղազարյանը չի կալանավորվի։ Երևան քաղաքի ընդհանուր իրավասության դատարանը, նախագահությամբ դատավոր Մանվել Շահվերդյանի, այսօր մերժել է փոխգնդապետին կալանավորելու վերաբերյալ քննիչի միջնորդությունը։ Այս մասին Panorama.am-ի հետ զրույցում ասաց Արսեն Ղազարյանի պաշտպաններից Սյուզաննա Խչեյանը։
Նա հայտնեց, որ դատարանի որոշման պատճառաբանություններին ծանոթ չեն, որոշումը դեռ չի տրամադրվել:
«Շատ լավ ենք գնահատում դատավոր Շահվերադյանի կողմից կայացված որոշումը: Ընդհանրապես, առաջին ատյանի դատարանն այս էլ երկրորդ անգան շատ փայլուն մնաց իր դիրքերում»,- ասաց Ս. Խչեյանը:
Հիշեցնենք, որ Արսեն Ղազարյանին կալանավորելու հարցը երկրորդ անգամ է քննվում առաջին ատյանի ընդհանուր իրավասության դատարանում։ Առաջին անգամ փոխգնդապետին կալանավորելու միջնորդությունը մերժվել էր, որը բողոքարկվել էր Վերաքննիչ դատարանում։ Վերաքննիչը բեկանել էր որոշումն, գործն ուղարկել նոր քննության, այժմ առաջին ատյանի դատարանը կրկին կայացրել է քննիչի միջնորդությունը մերժելու մասին որոշում:
Պաշտպանը ենթադրում է, որ դատախազությունը կբողոքարկի առաջին ատյանի դատարանի այս որոշումն էլ:
«Ամեն դեպքում թե իրենց, թե մեզ համար սկզբունքային միջնորդություն է»,- ասաց Սյուզաննա Խչեյանը:
Հիշեցնենք, որ երեկ կայացած ասուլիսում Արսեն Ղազարյանի պաշտպաններից Վահան Հովհաննիսյանն ասել էր՝ փոխգնդապետին մեղադրանք է առաջադված ՔՕ մի քանի հոդվածներով՝ հրաման չկատարել, մարտական դիրքերը թողնել, զենք գործադրելուց հրաժարվել և այլն:
Պաշտպանը մասնավորապես նշել էր. «Հին Թաղեր և Խծաբերդ գյուղերի հատվածում տեղակայվել են ըստ վերադաս հրամանատարության կողմից տրված հրամանի, այսինքն դիրքերը, որտեղ տեղակայվել են, չի եղել Արսեն Ղազարյանի հրամանով, այլ վերևից եկած հրաման, որը կատարել է Ղազարյանը:
Տեղաբաշխումը եղել է կապված աշխարհագրական դիրքից, հեռավորությունից, որից հետո ենթակա ստորաբաժանումների հետ կապը կտրվել է։ Արսեն Ղազարյանը մի քանի տասնյակ անձանց հետ եղել է Հին Թաղեր և Խծաբերդ գյուղերի հատվածում, շուրջ 60 անձ գտնվել է ավելի բարձր դիրքերում և կապի միջոցներն առկա չեն եղել։ Արսեն Ղազարյանին տրվել է մի քանի ռադիոկապի միջոցներ, որոնք այդտեղ իրենց հաճախականությամբ չեն գործել, իսկ իրենց մոտ առկա կապի միջոցները եղել են կարճ ալիք, որոնցով հնարավորություն չի եղել կապն ապահովել:…
Այստեղ մենք ունենք շատ կարևոր հանգամանք, որին վարույթ իրականացնող մարմինն ընդհանրապես ուշադրություն չի դարձնում. դեկտեմբերի 13-ին պատահականորեն հայկական կապի օպերատորներն անջատվում են տվյալ տարածքում։ Եթե մինչև այդ գոնե բջջային հեռախոսներով հնարավորություն եղել է կապ հաստատել ենթակա ստորաբաժանումների հետ, ապա հարձակման, գյուղերի հանձնման օրը բջջային կապ առկա չի եղել»։
Արսեն Ղազարյանն իրեն առաջադրված մեղադրանքը չի ընդունում, որակում է ծիծաղելի:
Հարակից հրապարակումներ`
- «62 շիրակցիների գերեվարման գործով»՝ ով էր հրահանգել հայկական կապի օպերատորներին անջատել կապը
- ՔԿ-ն գտնում է, որ Խծաբերդում հայ զինծառայողների սպանության դեպքերով ՊՆ երկու սպաները պետք է կանգնեն դատարանի առաջ
- Խծաբերդ. ՄԻԵԴ-ը բավարարել է ՀՀ կառավարության կողմից ներկայացված հերթական դիմումը
- Քննչական կոմիտեն՝ Հին Թաղեր և Խծաբերդ գյուղերի մարտական դիրքերում հերթապահող 9 զինծառայողի սպանության մասին
- Ո՞նց եղավ, որ 44 հայ գերիների վերադարձից հետո Խծաբերդ ու Հին Թաղեր գյուղերը կորան ռուսական քարտեզից. Պողոսյան
- Հին Թաղեր-Խծաբերդ դիրքերի մերձակա տարածքում հայտնաբերվել է 9 հայ զինծառայողի մարմին․ ԱՀ ՊԲ
- Խծաբերդ-Հին Թաղեր հատվածում անհայտ է մնում միայն 73 մարդու ճակատագիրը. ԱՀ ՊԲ
- Կորել է կապը Հին Թաղերի և Խծաբերդի մի քանի մարտական դիրքերի անձնակազմի հետ. Արցախի ՊԲ
- Խծաբերդից հաստատված գերեվարման դեպքեր կան. Սիրանուշ Սահակյան
- ՊՆ. Հակառակորդին հաջողվել է մտնել Հին Թաղեր գյուղ, մոտենալ Խծաբերդին, կան վիրավորներ
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան