Ձեր վստահելի աղբյուրը

Ուկրաինայի նախագահ Վլադիմիր Զելենսկին ասել է, որ Ուկրաինան և Բելառուսը ընդհանուր պատմություն ունեն, իրենց ժողովուրդները հասկանում են միմյանց: Այս մասին գրում է «ՌԻԱ Նովոստի»-ն։

«Այժմ դուք խոսեցիք ձեր պետական լեզվով։ Ես ձեզ հիանալի հասկանում եմ: Սա հուշում է, որ մենք իսկապես ընդհանուր պատմություն ունենք: Եվ, իրոք, մենք հասկանում ենք միմյանց: Այժմ ես ոչ միայն քո և իմ մասին եմ խոսում այլ նաև մեր ժողովուրդների», - ասել է Զելենսկին Սթենֆորդում ունեցած ելույթի ժամանակ։

Նրա խոսքով, Կիևը լիովին հասկանում է, թե ինչ իրավիճակ է Մինսկում: Զելենսկին մաղթել է, որ Բելառուսը լինի ազատ և ժողովրդավարական երկիր, ինչպես Ուկրաինան:
«Մենք հստակ հասկանում ենք, թե ինչ է կատարվում ձեզ հետ, մենք հասկանում ենք, որ նույնը տեղի է ունեցել մեզ հետ», - հավելել է Ուկրաինայի առաջնորդը:

2020 թվականի օգոստոսի 9 -ին Բելառուսում կայացած նախագահական ընտրություններից հետո, որոնցում Լուկաշենկոն վեցերորդ անգամ հաղթել է, որը, ԿԸՀ տվյալներով, հավաքել է ձայների 80.1% -ը, երկրում սկսվել են ընդդիմության զանգվածային բողոքի ցույցեր, որոնց ճնշելու համար ուժայինները, օգտագործել են հատուկ միջոցներ և հատուկ սարքավորումներ։