Չինաստանում արգելվել է հեռուստատեսությամբ ցուցադրել «փափկասուն» տղամարդկանց

Հասարակություն 20:19 03/09/2021 Աշխարհում

Չինաստանն արգելել է հեռուստատեսությամբ ցուցադրել «փափկասուն» տղամարդկանց՝ փոխարենը պահանջելով առնական կերպարներ և հեռարձակողներին կարգադրելով վերջ տալ ինտերնետային աստղերին առաջ տանելու պրակտիկային։ Այս մասին գրում է «dailymail.com»-ը։

Նշվում է, որ երկրի ղեկավար Սի Ծինփինն «ազգային երիտասարդականացման» կոչ է արել՝ Կոմունիստական կուսակցության կողմից բիզնեսի, կրթության, մշակույթի և կրոնի նկատմամբ ավելի խիստ վերահսկողությամբ:

Կառավարությունն արգելել է «փափկասուն» տղամարդկանց հեռուստացույցով ցուցադրել և հեռարձակողներին կարգադրել է, որ նպաստեն «հեղափոխական մշակույթին»՝ ընդլայնելով բիզնեսի և հասարակության նկատմամբ վերահսկողությունը խստացնելու և պաշտոնական բարոյականությունը ամրապնդող արշավը:

Ընկերություններն ու հասարակությունը մեծ ճնշման են ենթարկվում՝ համահունչ լինելու ավելի հզոր Չինաստանի և առողջ հասարակության այս տեսլականին: Կուսակցությունը նվազեցրել է երեխաների հասանելիությունն առցանց խաղերին և փորձում է չխրախուսել անառողջ ուշադրությունը հայտնիների նկատմամբ:

Հեռարձակողները պետք է «վճռականորեն վերջ տան փափկասուն տղամարդկանց և այլ աննորմալ էթիկային», խուսափեն «գռեհիկ ինտերնետային հայտնիների» առաջխաղացումից, ինչպես նաև հարստության ու հայտնիների նկատմամբ հիացմունքից, նշել է հեռուստատեսության ոլորտի կարգավորիչը:

Դա արտացոլում է պաշտոնական մտահոգությունը, որ չինական էստրադայի աստղերը, հարավկորեացի և ճապոնացի որոշ երգիչների և դերասանների աղջկական տեսքից ազդված, չեն խրախուսում Չինաստանի երիտասարդներին լինեն տղամարդկային:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: