Ձեր վստահելի աղբյուրը

Վրաստանի նախագահ Սալոմե Զուրաբիշվիլին միացել է Աֆղանստանում կանանց և աղջիկների իրավունքները պաշտպանելու և ամրապնդելու կին առաջնորդների համատեղ կոչին: Այս մասին գրում է «Գրուզիա Օնլայն»-ը՝ վկայակոչելով նախագահի աշխատակազմի հաղորդագրությունը:

Կոչը Սլովակիայի նախագահ Զուզանա Շապուտովայի և Իսլանդիայի վարչապետ Կատրին Յակոբսդուտտիրի նախաձեռնությունն է:

«Մենք՝ կին առաջնորդներս, ցանկանում ենք հավաստիացնել աֆղան կանանց և աղջիկներին, որ  ուշադիր հետևելու ենք իրենց երկրում տեղի ունեցող իրադարձություններին և շարունակելու ենք աջակցել նրանց իրավունքներին ու հնարավորություններին», - ասվում է կանանց առաջնորդների հայտարարության մեջ։

Նրանք կոչ են անում միջազգային հանրությանը կենտրոնանալ իրավիճակի և իրավունքների,  նաև այն մարդկանց վրա, ովքեր ներկայում առավել խոցելի են Աֆղանստանում:

Դանիայի վարչապետ Մետտե Ֆրեդերիկսենը, Էստոնիայի վարչապետ Կայա Կալասը, Ֆինլանդիայի վարչապետ Սաննա Մարին, Հունաստանի նախագահ Եկատերինա Սաքելարապուլուն, Լիտվայի վարչապետ Ինգրիդա Սիմոնիտեն, Մոլդովայի նախագահ Մայա Սանդուն, Նոր Զելանդիայի վարչապետ Յասինդա Արդենը և վարչապետ - Նորվեգիայի նախարար Էռնա Սոլբերգը։