Ձեր վստահելի աղբյուրը

ՆԱՏՕ-ի գլխավոր քարտուղար Յենս Ստոլտենբերգը Եվրամիության երկրներին կոչ է արել դաշինքի ներսում մրցակցություն չառաջացնել այն ժամանակ, երբ դաշնակիցները բախվում են Ռուսաստանի և Չինաստանի սպառնալիքներին: «Գազետա ռու»-ի փոխանցմամբ, այդ մասին նա ասել է բելգիական RTBF հեռուստաալիքի եթերում:

Աֆղանստանում իրավիճակի սրման ֆոնին, որտեղ արմատական «Թալիբանը» իշխանությունը վերցրեց իր ձեռքը, ամերիկյան ռազմական կոնտինգենտի շտապ դուրսբերման Եվրոպական միության անդամ երկրների քննադատները կրկին սկսեցին քննարկել միության «ռազմավարական ինքնավարության» հարցը, այդ թվում՝ եվրոպական ուժերի արագ արձագանքման ստեղծումը:

«Տարիներ շարունակ ՆԱՏՕ-ն եվրոպական դաշնակիցներին կոչ էր անում ավելի շատ ֆինանսավորում հատկացնել ռազմական ծախսերին, որպեսզի ավելի լավ կարողանա գործել: Ես ողջունում եմ այն փաստը, որ եվրոպացիներն ավելի շատ ներդրումներ են կատարում: Բայց դա չպետք է տեղի ունենա ՆԱՏՕ-ից դուրս կամ ստեղծի մրցակցություն »,-ասել է Ստոլտենբերգը:

Նա հայտարարել է Հյուսիսատլանտյան դաշինքի ամրապնդման, Եվրոպայի և Հյուսիսային Ամերիկայի ջանքերը միավորելու անհրաժեշտության մասին՝ «դիմակայելու Ռուսաստանին, որն ավելի ու ավելի ագրեսիվ է գործում ուժերի համաշխարհային հավասարակշռության հանդեպ»: Այս կապակցությամբ գլխավոր քարտուղարը նշել է, որ Եվրոպան և Ամերիկան պետք է միասնական մնան և պաշտպանեն միմյանց: