Ձեր վստահելի աղբյուրը

Սեպտեմբերի 13-ին Վրաստանում հաստատվել է կորոնավիրուսի 946 նոր դեպք: Այս մասին գրում է Jnews-ը՝ հղում անելով stopcov.ge պաշտոնական կայքին:

Վերջին մեկ օրում երկրում ապաքինվել է 4 351 մարդ, մահացել է 48 պացիենտ:

Համավարակի տարածումից առ այսօր, Վրաստանում ընդհանուր առմամբ գրանցված է կորոնավիրուսով վարակման 581 815, այստեղից ապաքինվել է 545 961 մարդ: Մահացածների ընդհանուր թիվը կազմում է 8 233:

Վերջին 24 ժամվա ընթացքում Վրաստանում կատարվել է 17 192 փորձարկում, այդ թվում 9 442-ը՝ հակամարմինների արագ թեստով, իսկ 7 750-ը՝ «PCR» թեստով:

Դրականության օրական ցուցանիշը՝ 5.5% է, վերջին 14 օրվանը՝ 7,81%, վերջին 7 օրվանը՝ 7.36%:

Երկրում կորոնավիրուսի դեմ պատվաստվել է 1 507 986 մարդ, վերջին մեկ օրում պատվաստվել է 14 703 պացիենտ:

Կարանտինի ռեժիմում գտնվում է 85 մարդ, հիվանդանոցներում հսկողության տակ է 6 185 պացիենտ, կլինիկական հյուրանոցներում գտնվում է 1 611 անձ:

Վրաստանում կորոնավիրուսի առաջին դեպքը գրանցվել է 2020 թվականի փետրվարի 26-ին: