ԿԸՀ-ին անհանգստացնո՞ւմ է ընտրողների ցածր մասնակցությունը ընտրություններին. Արմեն Գևորգյան

Քաղաքական 15:13 13/09/2021 Հայաստան

ԿԸՀ-ին անհանգստացնո՞ւմ է ընտրողների ցածր մասնակցությունը ընտրություններին. Արմեն Գևորգյան

«Հատկապես վերջին երկու արտահերթ ընտրություններին մարդկանց մասնակցությունը ինձ մոտ մեծ անհանգստություն է առաջացրել, մեզ նման երկրներում մասնակցությունը գոնե պետք է բարձր լիներ, հետաքրքրությունն ավելի ընդգծված դրսևորվեր»,- Ազգային ժողովում ասաց «Հայաստան» խմբակցության անդամ Արմեն Գևորգյանը:

Նա հետաքրքրվեց ԿԸՀ նախագահ Տիգրան Մուկուչյանից՝ կա՞ բացատրություն, թե ինչու է վերջին ընտրություններին մասնակցությունը 50 տոկոսից պակաս, որևէ ուսումնասիրություն Կենտրոնական ընտրական հանձնաժողովը արե՞լ է, թե՞ ոչ, ԿԸՀ-ին անհանգստանո՞ւմ է նմանատիպ ցածր մասնակցությունը:

ԿԸՀ նախագահ Տիգրան Մուկուչյանի խոսքով, ընտրությունների մասնակցությանը խնդիրը կարևոր է:

«ԿԸՀ-ն ևս կարծում է, որ հանրությանը պետք է լրացուցիչ մոտիվացնել նույն սցիալական հոլովակների միջով, որպեսզի մասնակցեն ընտրություններին: Կոնկրետ պատճառների վերլուծություն, որպեսզ այդպիսին, հայտնի չէ»,- ասաց նա:

«Արդյո՞ք պատրաստվում եք ԿԸՀ-ն միջազգային կառույցների հետ համատեղ ուսումնասիրություն իրականացնել, 48-49 տոկոս մասնակության պատճառների մասով»,-կրկին հարցերց Ա. Գևորգյանը:

Տ.Մուկուչյանն ասաց, որ վերջերս ավարտել են մեկ հետազոտություն ընտրությունների ժամանակ կանանց, տղամարդկանց մասնակցության, ընտրական գործընթացներում նրանց ներգրավածության թվաքանակի վերաբերյալ, չի բացառում հետագայում տարբեր վերլուծություններում ներառել նաև նման հարցեր:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: