Ձեր վստահելի աղբյուրը

«Պարոն Ջհանգիրյանի՝ որպես ԲԴԽ նախագահի պաշտոնակատար պաշտոնավարման ընթացքում ամենաակնհայտ երևույթը, որը տեղի ունեցավ, դատավորների մակագրման համակարգի փաստացի  վերացումն է, արգելափակումն է, որը, ցանկացած անաչառ մարդու համար հստակ է, հետքայլ է»,- Ազգային ժողովում հայտարարեց «Հայաստան» խմբակցության անդամ Արամ Վարդևանյան:

Նրա խոսքով, այնպես չէ, որ կատարյալ է եղել այդ համակարգը, բայց այս ընթացքում անցում են կատարել հնադարյան ժամանակների, որովհետև ձեռքով մակագրումն ի վերջո իրականացվում էր նախկինում:

Ա. Վարդևանյանն ասաց, որ Եվրոպայի խորհուրդը, այլ կազմակերպություններ ողջունել էին, որ Հայաստանն անցում էր կատարել համակարգչային մակագրմանը, որովհետև այդտեղ անձի սուբյեկտիվ գործոնը, դատարանների նախագահների լծակը վերանում է:

«Ինչպես ստացվեց, որ այդ մակագրման համակարգն առգրավվեց, դարձավ փաստացի չգործող համակարգ հենց այն ժամանակ, երբ կար նախընտական քարոզարշավի ընթացքում ՔՊ կուսակցության առաջին համարը զբաղեցնող, ներկայումս վարչապետի պաշտոնը զբաղեցնող Նիկոլ Փաշինյանի կողմից տրված խոստումը, թե քաղաքական վենդետա է լինելու և այլն: Դե դրանց իրացումն էլ եղավ կալանավորումներով, ու մենք դա տեսնում ենք:

Այսինքն՝ ասվեց ու կատարվեց»,- ասաց ընդդիմադիր պատգամավորը: