Ձեր վստահելի աղբյուրը

«Դուք գնում եք Վճռաբեկ դատարան, և բացառված չէ, որ մի օր այդտեղ որևէ դատավոր որոշում կայացնի, որն այս իշխանությունների քիմքին հարմար չի լինելու և կիրակի օրով, պատահաբար, Փաշինյանը ֆեյսբուքյան գրառումով կոչ չի անելու շրջափակել ձեր դատարանը»-իր ելույթում Վճռաբեկ դատարի դատավորների թեկնածուներ Հովսեփ Բեդևյանին,  Հրաչ Այվազյանին և Լիանա Հակոբյանին դիմեց «Հայաստան» խմբակցության պատգամավոր Գեղամ Մանուկյանը:

Նա չբացառեց, որ Վճռաբեկ դատարանի շրջափակմանը կմասնակցեն  նաև ԱԱԾ- ՊՊԾ -ի աշխատակիցները, որոնք արդեն ԱԺ-ում ցույց են տվել, որ քաղաքական իշխանությանն են ծառայում, այլ ոչ թե օրենքին:

Մանուկյանը հորդորեց նկատի ունեալ, որ երբ ընտրվող դատավորները փորձեն իրնց մասնագիտական պարտականությունները կատարել, իրենց հրելու են, ինչպես դատարանի դիմաց հրեցին դատավոր Դավիթ Բալայանին:

«Հանուն Հայաստանի Հանրապետության ձեր որոշումները, որոնք այս իշխանությունների դուրը չեն գալու, կարող են, օրինակ, արդարադատության նախարարի կողմից կարգապահական վարույթ հարուցելու առիթ դառնան, կամ քրեական գործեր հարուցվեն, ձեր աշխատասենյակը կապարակնքեն»,- հայտարարեց Մանուկյանը և հավելեց, որ նման որոշում կայացնելու դեպքում իշխանությունները կարող են մտածել նաև նրանց նկատմամբ խափանման միջոց կիրառելու մասին, և հավելեց. «Գործերի մակարգրման համակարգչային համակարգն էլ չկա և սրտի դատավորի նստավայր կենտրոնը կա և երեկոյան ժամերին կարող է ձեր գործը է մակագրել Մնացական Մարտիրոսյանին»:

Ըստ Մանուկյանի՝ նման վճիռ կայացնելու դեպքում իշխանությունները եթե նույնիսկ մասնագիտական բաց չգտնեն, կարող են հասնել մինչև նրանց դպրոցական  տարիները. «Օրինակ պեղեն, որ շարադրություն եք արտագրել, կամ գրիչով ինչ-որ մեկի աչքին վնաս հասցրել, և կրկին կլինեն քրեական գործեր»:

Պատգամավորի խոսքով՝ եթե այդ ամենն էլ դատավորներին չկոտրի ու նրանք շարունակեն դատավորի երդմանը համապատասխան գործել, ապա չի բացառվում, որ ԱԺ օրենքի նախագիծ բերեն և  մեկ օրվա մեջ քննարկեն ու ընդունեն՝ ասելով, որ այսուհետև Հովսեփ Բեդևյան, Լիանա Հակոբյան,  Հրաչ Այվազյան անունով ՀՀ որևէ քաղաքացի չի կարող առաջադրվել և ընտրվել դատավոր:

«Հայաստան» խմբակցության պատգամավորը հայտնեց, որ այդ սցենարը տեսել են ՍԴ-ի դատավորների դեմ ծավալված գործընթացում:

«Ուշադիր եղեք ձեր սանիկների նկատմամաբ, որովհետև եթե այս բոլոր փորձություններից անցնեք և մնաք արժանապատիվ դատավոր, մեկ էլ կարող են հիշել, որ ձեր սանիկներից որևէ մեկը որևէ թվին որևէ բան է արել, կամ եթե չի էլ արել, ապա շատ հեշտ կարելի է համարել, որ արել է, փառք Աստծու՝ ՀՔԾ-ն ու Սասուն Խաչատրյանը կան»,-զգուշացրեց պատգամավորը:

Նա նորընտիր դատավորներին նաև զգուշացրեց, որ Սյունիք մեկնելուց զգույշ լինեն, քանի որ դատական, ՏԻՄ, պաշտպանական, անվտանգային համակարգերն անցնող երեք տարիներին փլուզելուց հետո գործող իշխանությունները՝ Փաշինյանի անմիջական մասնակցությամբ, առանց որևէ փաստաթղթային հիմնավորման, քննարկման, գաղտագողի Սյունքի հատվածներից երկուսը հանձնել են թշնամուն:

«Ամեն վայրկայն չի բացառվում, որ այն, ինչ կատարվում է՝ ՀՀ քաղաքացու հետ կատարվի և մեկ էլ պարզվի, որ մեր Սյունիքում ադրբեջանցիները ՀՀ քաղաքացուն գերի տանեն»,-նկատեց Գեղամ Մանուկյանը և հիմնավորեց, որ Հայաստանում չկա անվտանգության համակարգ, որը կարողանա պաշտպանել երկրի անվտանգությունը և սուվերենությունը: