Ձեր վստահելի աղբյուրը

Ռուս խաղաղապահները շարունակում են «Խաղաղության դասեր» անցկացնել Արցախի կրթական հաստատություններում: Այս անգամ ռուսական խաղաղապահ զորախմբի զինծառայողները կրթական ակցիա են անցկացրել Ասկերանի շրջանի Խրամորթ գյուղի միջնակարգ դպրոցում՝ ինտերակտիվ դասի սկզբունքով և ռազմական ճանապարհային ոստիկանության, հումանիտար ականազերծման ստորաբաժանումների ռուս մասնագետների, հրշեջ բրիգադների ներգրավմամբ: Այդ մասին հայտնում է ՌԴ ՊՆ-ն

Ըստ տարածված հաղորդագրության՝ դպրոցի 50-ից ավելի աշակերտների պատմել են Արցախում ռուս զինվորականների խաղաղապահ առաքելության հիմնական գործունեության մասին:

ՌԴ ՊՆ-ն հայտնում է, որ Մարդասիրական ականազերծման ստորաբաժանման զինծառայողները երեխաներին բացատրել են ռազմական գործողություններ տեղի ունեցած տարածքներում պայթուցիկ նյութերի մեծ քանակի վտանգի մասին: Սակրավորները ցուցադրել են ռուս ռազմական ինժեներների ժամանակակից սարքավորումները` OVR -2 Sokol-ի համակցված ականազերծման զենքի հավաքածուն, որը նախատեսված է սակրավորներին պաշտպանելու պայթյունի հետևանքներից:

Դպրոցականներին պատմել են IMP-S2 ականների դետեկտորների և INVU-3M «Կորշուն» դյուրակիր պայթուցիկ առարկաների որոնիչների մասին, որոնք թույլ են տալիս հայտնաբերել պայթուցիկ սարքերը ռադիոէլեկտրոնային ալիքների միջոցով:

Դպրոցի բակում ռուս սակրավորները երեխաներին ցույց են տվել, թե ինչպես է ընթանում տարածքի ականազերծումը և ցուցադրել են ականազերծիչների աշխատանքը: Բոլորը կարող էին սարքավորումները փորձել և իրենց զգալ որպես իսկական խաղաղապահ:

«Մենք շատ ուրախ ենք, որ դուք եկել եք մեզ մոտ, շնորհակալ եմ այստեղ ձեր ներկայության համար: Մեր երեխաները ուրախ են ձեր գալստյան համար, մենք նույնպես երախտապարտ ենք, որ դուք մեզ հետ եք, պաշտպանում եք մեզ: Լավ է, որ մենք ընկերներ ենք ձեզ հետ, շատ շնորհակալ եմ»,- ասել է ռուսաց լեզվի ուսուցչուհի Մարինա Ամինյանը:

Ըստ հաղորդագրության՝ Խաղաղապահ զորախմբի հրշեջ ծառայության զինծառայողները երեխաներին պատմել են հրդեհների պատճառների մասին, այն մասին, թե ինչպես է «ԿամԱԶ» բազայի վրա աշխատում AC-6-40 հրշեջ մեքենան, ծանոթացրել արտակարգ իրավիճակների փրկարարական սարքավորումների հետ, ներկայացրել անձնակազմի աշխատանքը, և ցույց տվել պաշտպանիչ հագուստը և սարքավորումները: Հետաքրքրված երեխաները փորձել են հրշեջի սարքավորումները՝ մտնելով հրշեջի դերի մեջ, ինչպես նաև փորձեցին OU-3 կրակմարիչի օգնությամբ և  հրշեջի ձեռքի տարան մարել կրակը: Աշակերտների հետաքրքրությունը հարուցեց փրկարարների գործողությունը, որի ընթացքում նրանք տեղակայվեցին և հակահրդեհային գիծ գծեցին հրդեհաշիջման միջոցների՝ փրփուրի տեսքով:

«Այսօր խաղաղապահների շնորհիվ «Խաղաղության դաս» անցկացվեց Խրամորթի դպրոցում, երեխաները ծանոթացան անվտանգության նախազգուշական միջոցներին, հակահրդեհային սարքավորումներին, պայթուցիկ առարկաների հայտնաբերման գործողություններին, ինպես նաև՝ Հայրենական մեծ պատերազմի հերոսներին: Երեխաները երջանիկ են, ուսուցիչները՝ նույնպես»,-պարզաբանել է դպրոցի տնօրեն Արթուր Վազեկյանը:

ՌԴ ՊՆ-ն հայտնում է, որ ռազմական ճանապարհային տեսչության ներկայացուցիչները երեխաներին պատմել են իրենց ծառայության և երթևեկության կանոնների պահպանման կարևորության մասին: Տղաները կարողացել են նստել պարեկային մեքենայի ղեկին, միացնել առկայծող լուսարձակներ և հատուկ ձայնային ազդանշաններ:

Բացի այդ, Ռուսաստանի խաղաղապահ զորախմբի հումանիտար արձագանքման կենտրոնի մասնագետները դպրոցականների համար կարճ էքսկուրսիա են կազմակերպել Հայրենական մեծ պատերազմի պատմության մեջ, որի ընթացքոմ խոսեցին պիոներ հերոսների սխրանքների մասին:

«Սեպտեմբերի սկզբից մենք անցկացնում ենք մի շարք միջոցառումներ՝ նվիրված քաջությանը, հերոսությանը և խաղաղությանը: Մինչ օրս մենք անցկացրել ենք ավելի քան 20 միջոցառում, այժմ գտնվում ենք Ասկերանի շրջանի Խրամորթ գյուղում: Այստեղ մենք երեխաներին ցույց տվեցինք խաղաղապահ զորախմբի սակրավորների և հրշեջների աշխատանքը: Այն տեղեկատվական և հետաքրքրական էր տղաների համար: Մենք նույնպես հրավիրված ենք նմանատիպ դասեր անցկացնելու»,- ասել է Ռուսաստանի խաղաղապահ կոնտինգենտի ներկայացուցիչ Սերգեյ Զադորոժնինը: