Արմեն Չարչյանի գործով դատական նիստի ընթացքում Ջհանգիրյանը մտնում է դատարանի շենք. Պաշտպան
«Պատկերացրեք հետյալ իրավիճակը՝ ունենք Արմեն Չարչյանի վերաբերյալ նշանակված դատական նիստ, որևէ մեկի համար գաղտնիք չէ, որ այս պրոցեսը բացառապես քաղաքական է և այդ նիստի ընթացքում ԲԴԽ նախագահի պաշտոնակատար Գագիկ Ջհանգիրյանը մտնում է Վերաքննիչ դատարանի շենք»,- լրագրողների հետ զրույցում ասաց «Հայաստան» խմբակցության անդամ, հայտնի բժիշկ Արմեն Չարչյանի պաշտպան Էրիկ Ալեքսանյանը։
Նա նշեց, որ չի ցանկանում վերացական դատողություններ անել, թե կոնկրետ այդ գործով էր պայմանավորված այցելությունը, թե՝ ոչ. «Բայց օբյեկտիվ դիտողի կողմից արդյոք չի՞ կարող լինել կասկած, ընկալում, որ միգուցե և դա պայմանավորված էր հենց Արմեն Չարչյանի գործով։ Նման մի փոքր կասկածի ընկալման պարագայում մենք այլևս օրինական դատարանի մասին խոսք չենք կարող ունենալ»։
Պաշտպան Է. Ալեքսանյանը հիշեցրեց, որ երկու միջնորդություն է ներկայացվել դատարան կալանքի փոփոխման վերաբերյալ հրատապ նիստ հրավիրելու համար։
«Դատարանից լուր չունենք այն պարզ պատճառով, որովհետև դատավորը, որի վարույթում գտնվում է Արմեն Չարչյանի գործը, արձակուրդում է և վերադառնալու է ամսի 22-ին։ Մենք երեկ ենք տեղեկացել այդ մասին։ Դատական նիստ նշանակված է հոկտեմբերի 1-ին, բայց հույս ունենք, որ դատավոր Միսակյանը արձակուրդից հետո մեր պահանջը ընդունելի կհամարի, հրատապ դատական նիստ կհրավիրի մինչև հոկտեմբերի 1-ը, որպեսզի կքննարկվի խափանման միջոցի փոփոխման հարցը։
Այստեղ բացառություն նախատեսելն այնքանով է անընդունելի, քանի որ խոսքը գնում է անձի առողջական վիճակի վերաբերյալ, խափանման միջոցի փոփոխման հանգամանքներից մեկը հենց առողջական վիճակն է»,- նշեց նա։
Է. Ալեքսանյանի խոսքով, Արմեն Չարչյանի անազատության մեջ շարունակական մնալն էլ ավելի վատ է անդրադառնում նրա առողջական վիճակի վրա, և ելնելով Սահմանադրական իրավունքից, որ նա պետության կողմից ունի իր առողջության պաշտպանության իրավունք, կարծում է, այդ նորմը պետք է ի վերջո գործի։
Նա նաև հայտնեց, որ դիմել են առողջապահության նախարարություն հատուկ հանձնաժողով հրավիրելու և Ա. Չարչյանի վիճակի վերաբերյալ հանձնաժողովի կողմից եզրակացություն ստանալու համար։ Պաշտպանն ասաց, որ ներկա պահին որևէ պատասխան չեն ստացել, անցել է մեկ շաբաթից ավելի, մի քանի օր սպասելուց հետո, եթե կրկին չարձագանքեն, նորից են դիմելու՝ պարզաբանում ստանալու, թե ինչով է պայմանավորված նման անգործությունը։
Հարակից հրապարակումներ`
- Չարչյանի գործի հետ կապված տեսնում ենք իշխանական դիրքից ճնշում, հետապնդում. Վարդևանյան
- Իրենք որոշել են Արմեն Չարչյանին պատժել ընդհուպ մինչև իր առողջությունը քայքայելու գնով. Վարդևանյան
- Արմեն Չարչյանն ահազանգեց, որ ձեր ցուցումով է իր նկատմամբ իրականացվում խոշտանգում. Թագուհի Թովմասյանը՝ Ջհանգիրյանին
- Ե՞րբ եք պատրաստվում կամ ընդհանրապես պատրաստվո՞ւմ եք այցելել Արմեն Չարչյանին. Գեղամ Նազարյանը՝ Մուկուչյանին
- Սա պարզապես այսօրվա քաղաքական իշխանության կողմից խոշտանգում է՚ Իշխան Սաղաթելյանը՝ պրոֆեսոր Չարչյանի վիճակի մասին
- Չարչյանի նկատմամբ իրականացվող քաղաքական հետապնդումը վերածվել է վերջինիս կյանքին և առողջությանն ուղղված սպառնալիքի․ «Հայաստան» դաշինք
- Քիչ առաջ պրոֆեսոր Արմեն Չարչյանի առողջական վիճակը կտրուկ վատթարացել է
- Արմեն Չարչյանն իրեն ծայրահեղ վատ է զգում, նա սուր ինֆարկտ է տարել. Վահե Հակոբյան
- Պատերազմում զոհված զինծառայողների ծնողները պահանջում են ժամ առաջ ազատ արձակել Արմեն Չարչյանին
- Այս իրավիճակի միակ լուծումն Արմեն Չարչյանի կալանքն անհապաղ վերացնելն է. Արամ Վարդևանյան
Լրահոս
Տեսանյութեր
Իրավապաշտպան. Ադրբեջանի համագործակցության կոչ-առաջարկն իրավական հիմնավորումներ չունի
