Ձեր վստահելի աղբյուրը

Արցախում ռուս խաղաղապահներն ընթացիկ մարտական պատրաստականության շրջանակում անցկացրել են համապարփակ վարժանքներ 27 դիտակետերում հնարավոր խախտումները կանխելու և անվտանգությունն ապահովելու համար: ՌԴ ՊՆ-ի փոխանցմամբ՝ վարժանքների ընթացքում անձնակազմը մշակել է սադրիչ գործողությունները կանխելու, դիտակետի վրա հարձակումը հետ մղելու վերաբերյալ խնդիրների կատարումը:

Տարածված հաղորդագրության մեջ ասվում է, որ ազդանշան ստանալով՝ խաղաղապահները հնարավորինս արագ քայլեր են ձեռնարկեցին տեղակայման վայրից դուրս գալու և նախապես վերազինված դիրքերում պաշտպանական դիրքեր զբաղեցնելու ուղղությամբ: Պաշտպանությունն ամրապնդելու համար ներգրավվել են BTR-82A զրահափոխադրիչների հերթապահ ստորաբաժանումները:

Խաղաղապահ զորախմբի հատուկ նշանակության բժշկական ջոկատի ռազմական բժիշկներն էլ իրենց հերթին մշակել են առաջին օգնության տրամադրման և պայմանական վիրավորված զինվորի տարհանման մեխանիզմները:

Ըստ ՌԴ ՊՆ-ի՝ ռուսական խաղաղապահ զորախմբի բոլոր դիտակետերը հագեցած են «Անցակետ» ամրություններով, որոնք նախատեսված են զինծառայողներին փոքր տրամաչափի զենքից և բեկորներից պաշտպանելու, ինչպես նաև շրջակա տարածքի բազմակողմանի դիտարկումներ իրականացնելու համար:

Հաղորդագրության մեջ նաև ասվում է, որ ատասխանատվության գոտում իրավիճակի մոնիթորինգից բացի, ռուսական խաղաղապահ զորախմբի դիտակետերի անձնակազմը պարբերաբար մարտական պատրաստության դասընթացներ և վարժանքներ է իրականացնում: