Ձեր վստահելի աղբյուրը

Սեպտեմբերի 18-ին ժ. 19։00-ից հայ մեծանուն գիտնական Վ․ Համբարձումյանի ծննդյան և Հայաստանում աստղագիտության օրվա կապակցությամբ Բյուրականի աստղադիտարանը կազմակերպում է հանրային միջոցառում՝ «Աստղագիտության օրը Հայաստանում» խորագրով։

Աստղադիտարանից մանրամասնում են, որ միջոցառման շրջանակներում աստղադիտարանի այցելուները կարող են այցելել

. Բաց երկնքի տակ անվճար դասախոսության,
. Վ. Համբարձումյանի տուն-թանգարան,
.Գիշերային դիտումների (կախված եղանակային պայմաններից),
. Շմիդտի համակարգի 1 մետրանոց աստղադիտակ,
. 2․6 մետրանոց աստղադիտակ,
. Աստղացուցարան (պլանետարիում)։

Օրվա կապակցությամբ Վ. Համբարձումյանի տուն-թանգարանի, 2․6 մետրանոց աստղադիտակի, Շմիդտի համակարգի 1 մետրանոց աստղադիտակի և աստղացուցարանի դռներն այցելուների համար բաց կլինեն ավելի երկար՝ մինչև ժամը 23։00։

Շմիդտի համակարգի 1 մետրանոց աստղադիտակ կարող եք այցելել սկսած 20։00-ից։
Աստղազարդ երկնքի տակ դասախոսությունը կվարի Բյուրականի աստղադիտարանի տնօրեն Արեգ Միքայելյանը: Տևողությունը 1 ժամ՝ 19:00-20։00։

 Դասախոսության թեմաները՝
 «Վ. Համբարձումյանի կյանքը և գործունեությունը»
 «Բյուրականի աստղադիտարանը՝ որպես ազգային արժեք»
 «Հայկական հնագույն աստղագիտություն»

 Օրվա կապակցությամբ Վ. Համբարձումյանի տուն-թանգարանը կգործի ԱՆՎՃԱՐ։

 Գիշերային դիտումներ՝
- Դպրոցականներ՝ 500 դրամ
- ՀՀ այլ քաղաքացիներ՝ 1,500 դրամ
- Արտերկրացիներ՝ 3,000 դրամ։