Ձեր վստահելի աղբյուրը

Քաղաքական վերլուծաբան Վարդան Բալյանը գրում է.

«Ընդամենը մի քանի օրից լրանում է Արցախյան վերջին պատերազմի տարելիցը: Պատերազմ, որի ընթացքն ու արդյունքները խոր ուսումնասիրության կարիք ունեն, որի մասին ճշմարտությունը մեզ անհրաժեշտ է առավել քան երբևէ: Եկել է ժամանակը որոշակի եզրահանգումներ անելու համար: Փաստենք, որ այս վերջին պատերազմում ադրբեջանական բանակի ղեկավարումը փաստացի իրականացվում էր թուրքական գեներալների կողմից:

Մասնավորապես, ռազմական գործողությունների անմիջական ղեկավարումն իրականացրել է Թուրքիայի զինված ուժերի Գլխավոր շտաբի ցամաքային զորքերի օպերատիվ կառավարման կառավարման վարչության պետ Բախթիյար Էրսայի կողմից ղեկավարվող զինվորականների խումբը: Ադրբեջանական բանակի Գլխավոր շտաբի պետ Նաջմեդդին Սադիքովի պաշտոնանկությունից հետո գեներալ-մայոր Էրսայը Բաքվից անմիջականորեն է համակարգել ղարաբաղյան օպերացիայի ընթացքը՝ ուղղակիորեն հաշվետու լինելով Թուրքիայի ռազմա-քաղաքական բարձրագույն ղեկավարությանը:

Հատկաշական է, որ Էրսայի մասին համարյա ոչինչ հնարավոր չէ գտնել օտարալեզու բաց աղբյուրներում, իսկ թուրքական լրահոսում նրա մասին ընդամենը մի քանի հրապարակումներ կան: Հայտնի է, որ 2003 թվականի հետախուզության սպա է եղել, ով մասնակցություն է ունեցել վարչապետ Էրդողանի դեմ ուղղված հեղաշրման փորձին, 2010 թվականին ձերբալակվել է, դատապարտվել 16 տարվա բանտարկության, բայց անմիջապես ներում է ստացել, իսկ որոշ ժամանակ անց ադեն նշանակվել է Թուրքիայի հյուսիսում Քրդական բանվորական կուսակցության զինյալների դեմ գործող  Commando-ի երկորդ բրիգադի հրամանատար:

Էրսայը Թուրքիայում հակապարտիզանական պատերազմի լավագույն մասնագետի համարում ունի: Քրդական աղբյուրները սրան բնութագրում են որպես դահիճ, որ շատ դաժան է վերաբերվել նաև խաղաղ բնակիչների նկատմամբ: Հայտնի է, որ Էրսայի զինվորները, որոնց թվում ավանդաբար մեծ թիվ են կազմել Գորշ գայլերը, գերիներ չեն վերցրել: 2019 թվականի մայիսին նրան շնորհվել է գեներալ-մայորի զինվորական կոչում: Թորքական մամոուլի տվյալներով մասնակցել է նաև Լիբիայում ռազմական օպերացիաների:

Ինչո՞ւ ենք անդրադառնում գեներալ Էրսային հիմա: Պարզաբանեմ: Սեպտեմբերի 6-ին Արցախում ռուսական խաղաղապահ առաքելության հրամանատար Մուրադովը հրաժեշտի հանդիպում էր ունենում պաշտպանության նորանշանակ նախարար Արշակ Կարապետյանի հետ Երևանում, իսկ Լաչինում մեկնարկել էին թուրք-ադրբեջանական հատուկ ջոկատայինների համատեղ զորավարժություններ:

Ընդամենը 3 օր անց հայտնի դարձավ, որ Բաքվում տեղակայված թուրքական Գլխավոր շտաբի օպերատիվ խմբում նշակավել են թուրքական 4 գեներալներ: Խմբի ղեկավար է նշանակվել գեներալ-մայոր Բախթիյար Էրսայը, ով փաստացի ղեկավարում էր ադրբեջանական բանակը Արցախյան վերջին պատերազմում: Թուրք-ադրբեջանական Միասնական կենտրոնական հրամանատարության շտաբի պետ է նշանակվել գեներալ Աբդուլահ Քաթիրչին, Էրսայի առաջին տեղակալ և Ադրբեջանում թուրքական զորախմբի շտաբի պետ՝ գեներալ Էդներ Գյուները:  Սրանց մասին առաջիկայում ավելի մանրամասն կգրեմ: Փոխվել է նաև Բաքվում Անկարայի դեսպանատան ռազմական կցորդը, այսուհետ այդ պաշտոնը զբաղեցնում է գեներալ Զաքարիա Յալչինը:

Երբ համադրում ենք այս ամենը վերջին շրջանում հայ-ադրբեջանական սահմանին և Արցախում արձանագրված դեպքերի, դիվանագիտական դաշտում ընթացող զարգացումների հետ, ակնհայտ է դառնում մեկ բան՝ իսկական ժամանակն է գունագեղ տոնակատարություններով նշել մեր անկախության 30-ամյա տարեդարձը»։