Միջանցքի հարց չի քննարկվում. ՌԴ փոխվարչապետ Ալեքսեյ Օվերչուկ

Քաղաքական 13:06 20/09/2021 Տարածաշրջան

Միջանցքի հարց չի քննարկվում. ՌԴ փոխվարչապետ Ալեքսեյ Օվերչուկ

«Այս պահին դժվար կլինի կանխատեսել առևտրաշրջանառության աճի ճշգրիտ ցուցանիշները, դեռևս հետազոտության կարիք կա, քանի որ երկար տարիներ եղել ենք սահմանափակումների տիրույթում»,- «Հայ-ռուսական տնտեսական համագործակցություն․ հեռանկարային նախագծեր» թեմայով համաժողովի շրջանակներում կազմակերպված ճեպազրույցի ժամանակ պատասխանելով ապաշրջափակման օգուտների մասին հարցին՝ հայտնեց փոխվարչապետ Մհեր Գիրգորյանը և վստահեցրեց, որ հաղորդակցության ուղիների բացումը կունենա դրական արդյունք, բայց ծավալային առումով դժվար կլինի ասել, թե ինչ արդյունքներ կլինեն:

Ռուսաստանի փոխվարչապետ Ալեքսեյ Օվերչուկը տեղեկացրեց, որ Հայաստանի, Ռուսաստանի և Ադրբեջան փոխվարչապետերի եռակողմ աշխատանքային խմբի ֆորմատով վերջին՝ 7-րդ հանդիումը տեղի է ունեցել օգոստոսի կեսերին և բոլոր կողմերն էլ տրամադրված են տարածաշրջանում տնտեսական և հաղորդակցության ուղիների բացման օգտին:

Նա հայտնեց, որ ապաշրջափակումը կնպաստի նաև Հայստանի և Ռուսաստանի միջև ապրանքաշրջանառության ավելացմանը, նաև դրա համար են շահագրգռված աշխատում:

Պատասխանելով լրագրողի հարցին՝ Օվերչուկն ասաց, որ տարածաշրջանում միջանցքների հարցը չի քննարկվում, այլ խոսքը գնում է Անդրկովկասում տնտեսական և տրանսպորտային կապերի ապաշրջափակման մասին:

ՌԴ փոխվարչապետը հավաստիացրեց, որ բանակցություններն ընթանում են դրական հունով:

Հարակից հրապարակումներ`

ՀՀ-ի և ՌԴ-ի փոխվարչապետերը հրապարակեցին երկրների միջև առևտրաշրջանառության աճի տարբեր տոկոսներ

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: