Պետդեպ․ ԱՄՆ-ը փորձել է օգտակար լինել Հայաստան-Ադրբեջանի միջև խաղաղության և հաշտության խոսակցությանն աջակցելու համար

Քաղաքական 12:20 22/09/2021 Տարածաշրջան

Պետդեպ․ ԱՄՆ-ը փորձել է օգտակար լինել Հայաստան-Ադրբեջանի միջև խաղաղության և հաշտության խոսակցությանն աջակցելու համար

Տես նաև`Բլինքենը Չավուշօղլուի հետ հանդիպմանը երկար քննարկել է Հայաստան, Ադրբեջան, Լեռնային Ղարաբաղը

Հայաստան-Ադրբեջան պատերազմից հետո ԱՄՆ-ը փորձել է օգտակար լինել նրանց երկուսի միջև խաղաղության և հաշտության խոսակցությանն աջակցելու համար: Այս մասին նախօրեին Նյու Յորքում ՄԱԿ-ի Գլխավոր ասամբլեայի բարձր շաբաթվա շրջանակներում մամուլի ասուլիսի ժամանակ հայտարարել է ԱՄՆ պետդեպարտամենտի բարձրաստիճան պաշտոնյան։

Նա հիշեցրել է Արցախի բռնազավթած տարածքների ականապատ քարտեզների դիմաց Ադրբեջանի կողմից 15 գերիների փոխանակումը, որն իրականացվել էր ամերիկյան կողմի միջնորդությամբ։

«Այսպիսով, այժմ հարց է առաջանում՝ արդյոք կարող ենք ԱՄՆ-ի աջակցությամբ, Մինսկի խմբի այլ երկրների աջակցությամբ, Թուրքիայի աջակցությամբ ավելի շատ նպաստել երկուսի միջև լարվածության նվազեցմանը, սահմանի երկայնքով, մնացած կալանավորների, ականների մասով, հետո մի քանիսը ձեռնարկեք, օգնեք նրանց կատարել փոքր քայլեր, որոնք կարող են ճանապարհ դնել դեպի ավելի մեծ խաղաղության և հաշտեցման գործընթացի»,- ասել է պաշտոնյան:

Պաշտոնյան նշել է, որ ՄԱԿ-ում ԱՄՆ պետքարտուղար Էնթոնի Բլինքենը Թուրքիայի ԱԳ նախարար Մևլութ Չավուշօղլուի հետ հանդիպմանը հստակ ասել է Թուրքիային, «որը շատ ներգրավված է դրանում և հարևան է, որ ԱՄՆ-ը պատրաստ է օգտակար լինել, եթե կարող է»:

Պաշտոնյան նաև հավելել է, որ պետքարտուղարն այս շաբաթ երկկողմ հանդիպումներ է ունենալու հայերի և ադրբեջանցիների հետ և նույն առաջարկն անելու է այնտեղ:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: