Արմեն Չարչյանի պաշտպանը խնդրեց դատարանին թույլ չտալ ուշացված արդարադատության
«Ստեղծված պայմաններում և նոր ի հայտ եկած հանգամանքների շրջանակներում առկա են բոլոր նախադրյալները Արմեն Չարչյանի նկատմամբ ընտրված խափանման միջոց կալանավորումն ավելի մեղմ տեսակի խափանման միջոց գրավով փոխարինելու համար»,-Երևանի ընդհանուր իավասության առաջին ատյանի դատարանում «Հայաստան» խմբակցության պատգամավոր, հայտնի բժիշկ Արմեն Չարչյանի գործով հրատապ դատական նիստին ասաց Չարչյանի պաշտպան Էրիկ Ալեքսանյանը։
Նա թվարկեց բժկական կենտրոնների կողմից տրված կլինիկական ախտորոշումները, մասնավորապես սրտի իշեմիկ հիվանդություն, սրտային անվաբարարություն 2-րդ, 3-րդ ֆունկցիոնալ դաս, շաքարային դիաբետ 2-րդ տիպ, ինսուլին կախյալ, խրոնիկ երիկամային անբավարարություն, սրտամկանի սուր ինֆարկտ, երկկողմանի թոքաբորբ և այլն։ Ներարկվող ինսուլինը օրվա ընթացքում կազմում էր 92 միավոր, հետագայում միավորն ավելացել է՝ հասնելով 106 միավորի։
«Սրտամկանի սուր ինֆարկտը զարգացել է 2021 օգոստոսի 24-ին քրեակատարողական հիմնարկում»,- ասաց Է. Ալեքսանյանը։
Նա նշեց, որ բարձր է հավանականությունը սրտամկանի սուր ինֆարկտի կրկին առաջացման հնարավորությունը, դրա մասին են վկայում միջնորդությանը կից ներկայացված բժշկական փաստաթղթերը։
«Հատկանշական է, որ Արմեն Չարչյանի մոտ առկա կլինիկական ախտորոշումները գտնվում են կառավարության համապատասխան որոշման մեջ որպես խափանման միջոց կալանքը կամ պատիժը կրելուն խոչընդոտող ծանր հիվանդությունների կողմնորոշիչ ցանկում նախատեսվող փորձագիտական հոդվածների հետ խիստ համապատասխանության մեջ»,- ասաց պաշտպանը։
Նա նշեց, որ խնդրում են Արմեն Չարչյանի նկատմամբ ընտրված խափանման միջոց կալանավորումը փոխվի գրավով հենց ստեղծված իրավիճակի տեսանկյունից, որ ունի նոր հիվանդություններ, նախկինում առկա առողջական վիճակի կտրուկ փոփոխման հանգամանք։
«Փորձաքննություն նշանակելը, հետագայում բժշկական հանձնաժողով ձևավորելը, փորձաքննության եզրակացություն ստանալը կարող է տևել բավականին երկար ժամանակ, իսկ այս պահին պարոն Չարչյանը գտվում է անզատության մեջ, կարող է բացասական հետևանքներ առաջացանի առողջական վիճակի վրա։ Դրա համար խնդրում ենք հարցը քննարկել հենց ստեղծված իրավիճակի պայմաններում։ Որևէ կերպ չենք առարկում նաև հետագայում դատաբժշկական փորձաքննության նշանակելուն։
Այսինքն խնդրում ենք հարցը քննարկել ոչ թե այս պահի դրությամբ անհամատեղելիության հարցի շրջանակներում, այլ զուտ ստեղծված իրավիճակի պայմաններում»,- ասաց պաշտպանը։
Էրիկ Ալեքսանյանի ներկայացմամբ երկրորդ նոր հանգամանքն նույնպես էական է խափանման միջոցը փոփոխելու հարցում։
«Արմեն Չարչյանը ձեռք է բերել նոր կարգավիճակ։ Այս պահի դրությամբ ԱԺ պատգամավոր է, Սահմանադրության ուժով օժտված է համապատասխան անձեռնմխելիությամբ։ Սահմանադրության 96-րդ հոդվածը մեզ հուշում է, որ անձը չի կարող զրկվել ազատությունից, նրա անազատության մեջ գտնվելը պետք է ճանաչվի անօրինական, եթե չկա ԱԺ համապատասխան թույլտավությունը»,- ասաց նա։
Է. Ալեքսանյանի խոսքով, իրատեսական չէ դատախազության կանխատեսումը, որ ազատության մեջ Ա. Չարչյանը կխոչընդոտի քննությանը, մեկ ամիս գտնվել է ազատության մեջ, որևէ մեկի վրա չի ազդել, նոր ենթադրյալ արարք չի կատարել։ Նա նաև հիշեցրեց, որ վկաներից որևէ մեկը պարոն Չարչյանի դեմ մեղադրական բնույթի ցուցմունք չի տվել։
«Իսկապես, շատ վատ է պարոն Չարչյանի առողջական վիճակը։ Կցանկանայի դատախազը մինչև սույն դատական նիստին ներկայանալն ու այս հարցի վերաբերյալ դիրքորոշում հայտնելն այցելեր պարոն Չարչյանին ու տեսներ նրա վիճակը, շնչառությունը վատ վիճակում է, համապատասխան սարքերով է շնչում, գերթե չի վեր կենում անկողնուց»,- ասաց պաշտպանը։
Նա խնդրեց դատարանին թույլ չտալ ուշացված արդարադատության. «Մանվել Գրիգորյանը հեռացավ կյանքից ուշացված արդարադատության պատճառով։ Եթե այն ժամանակ պաշտպանության կողմի միջնորդությունը հիմք ընդունվեր, ներկայացված էպիկրիզները հիմք ընդունվեին, ավելի շուտ ազատ արձակվեր, ուշացված արդարադատության հետ խնդիր չէինք ունենա, միգուցե հրատապ բժշկական միջամատությանների արդյունքում ողջ լինել։
Նույնն մենք ուզում ենք անել սույն քրեական գործո՞վ»։
Էրիկ Ալեքսանյանը խնդրեց դատարանին բավարարել իր միջնորդությունը, մեկ րոպե շուտ ազատ արձակել։
«Խնդրում եմ կայացնել արդարացի որոշում ու գրավի դիմաց անհապաղ ազատ արձակել։
Որպես գրավի նվազագույն չափ՝ դատարանին առաջարկում ենք 20 միլիոն դրամից սկսած, պատրաստ ենք վճարել յուրաքանչյուր գումար, միայն թե պարոն Չարչյանը գտնվի ազատության մեջ, որովհետև իր առողջությունից էլ ավելի կարևոր բան այս պահին առկա չէ», - ասաց պաշտպանը։
Հարակից հրապարակումներ`
- Արմեն Չարչյանի գործով հրատապ դատական նիստը մեկնարկել է
- Արմեն Չարչյանի գործով հրատապ դատական նիստ է նշանակվել. Պաշտպան
- Ռոբերտ Քոչարյանն այցելել է Արմեն Չարչյանին
- Ես գլխավոր դատախազին ասացի՝ վաղը, վաղը չէ մյուս օրը կարող է ուշ լինել. Ի աջակցության Չարչյանի բողոքող բժիշկ
- Բժիշկները հավաքվել են գլխավոր դատախազության մոտ՝ ի աջակցություն Արմեն Չարչյանի
- Արմեն Չարչյանը հերքել է Վիտալի Բալասանյանի՝ իրեն այցելելու մասին լուրը. Էրիկ Ալեքսանյան
- Արմեն Չարչյանի գործով դատական նիստի ընթացքում Ջհանգիրյանը մտնում է դատարանի շենք. Պաշտպան
- Չարչյանի գործի հետ կապված տեսնում ենք իշխանական դիրքից ճնշում, հետապնդում. Վարդևանյան
- Իրենք որոշել են Արմեն Չարչյանին պատժել ընդհուպ մինչև իր առողջությունը քայքայելու գնով. Վարդևանյան
- Սա պարզապես այսօրվա քաղաքական իշխանության կողմից խոշտանգում է՚ Իշխան Սաղաթելյանը՝ պրոֆեսոր Չարչյանի վիճակի մասին
- Չարչյանի նկատմամբ իրականացվող քաղաքական հետապնդումը վերածվել է վերջինիս կյանքին և առողջությանն ուղղված սպառնալիքի․ «Հայաստան» դաշինք
- Քիչ առաջ պրոֆեսոր Արմեն Չարչյանի առողջական վիճակը կտրուկ վատթարացել է
- Պատերազմում զոհված զինծառայողների ծնողները պահանջում են ժամ առաջ ազատ արձակել Արմեն Չարչյանին
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
