Ձեր վստահելի աղբյուրը

Գերմանական ARD հեռուստաալիքը պատահաբար եթերում ցույց է տվել Բունդեսթագի ընտրությունների «արդյունքներով» տող` դրանց մեկնարկից երկու օր առաջ: Այս մասին հայտնում է Bild-ը։

Գազետա.ռու-ի հաղորդմամբ, նշվում է, որ հեռուստաալիքը եթերում ցուցադրել է «Exit poll Բունդեսթագի ընտրությունների ժամանակ 17.46 -ին (տեղական ժամանակով)» մակագրությունը:
Եթերում հայտնված տեղեկատվության համաձայն ՝ Գերմանիայի Սոցիալ -դեմոկրատական կուսակցությունը «հավաքել է» ձայների 22,7%-ը, Քրիստոնեա -դեմոկրատական և Քրիստոնեական սոցիալական միությունների դաշինքը՝  22,1%-ը, Ազատ դեմոկրատական կուսակցությունը ՝ 13,2%-ը,  «Այլընտրանք Գերմանիայի համար» ՝ 10%: Նախքան այլ կուսակցությունների «արդյունքները» ցուցադրելը, մի քանի րոպե անց այդ տողն անհետացել է։ Միևնույն ժամանակ, չի նշվում ՝ այդ թվերն ունեն որևէ հիմք, թե հորինված են:

Գերմանիայում խորհրդարանական ընտրությունները տեղի կունենան սեպտեմբերի 26 -ին, դրանց արդյունքներով կընտրվի երկրի նոր կանցլերը: 2005 թվականից ի վեր առաջին անգամ Գերմանիայի գործող կանցլեր Անգելա Մերկելը չի ղեկավարի Քրիստոնեա -դեմոկրատական միությունը (CDU) և չի հավակնի դաշնային կանցլերի պաշտոնին։