Ձեր վստահելի աղբյուրը

«Ընդդիմադիրների, նախկին պաշտոնատար անձանց հասցեին հնչած վիրավորանքներն այսօր էլ նույն սոցիալական հարթակներում շարունակվում են»,- խորհրդարանում կազմակերպված սահմանադրականության խնդիր առաջացնող իրավական ակտերը ՍԴ ներկայացնելու վերաբերյալ քննարկումների ժամանակ հայտարարեց արդարադատության նախկին նախարար Դավիթ Հարությունյանը։

Նրա խոսքով՝ այսօր կարելի է իշխանությունների ընդունած վիրավորանքի քրեականացման դրույթն օգտագործել հենց ընդդիմությանը վիրավորելու բազմաթիվ դեպքերին:

Հարությունյանը նկատեց, որ ընդդիմադիր նախկին պաշտոնյաների վիրավորանքներն առաջին հերթին պայմանավորված են նրանց կողմից նախկինում պաշտոն զբաղեցնելու հետ:

«Ես ենթադրում եմ, որ տակտիկապես պետք է ուղղակի Ոստիկանությանը և Դատախազությանը դնել համապատասխան փաստի առաջ, այսինքն` ուղղակի հրապարակավ հայտնել կատարված հանցագործության մասին ու թող մարդիկ շարունակեն մերժել քրեական գործերի հարուցումը»,-հայտնեց նախկին նախարարը և պնդեց, որ երբ իշխանությունները կսկսեն մերժել ընդդիմադիներին վիրավորելու դեպքերով հայցերը, ապա դրանց ցույց կտան, որ այդ օրենքի ընդունումն ակնհայտորեն քաղաքական ուղղորդում ունի:

Հարությունյանը գտնում է, որ ընդդիմությունն այդ ուղղությամբ պետք է քայլեր մշակի՝ որոշելով, դատարանների՞ միջոցով կհասնեն ՍԴ, թե միանգամից ԱԺ ընդդիմադիր պատգամավորների դիմումների միջոցով:

Արդարադատության նախկին նախարարն առաջարկեց մարտավարական քայլերը քննարկել առանց լրագրողների մասնակցության, ինչը և արվեց՝ կազմակերպիչների կողմից փակելով քնարկումները: